رومی ایشون 1:12 - کتاب مقدس به زبان مازندرانی - گویش شرقی

¹² یعنی تا اِما هَمدییهِ ایمونِ هِمراه دِلگرم بَوویم، هم مِن و هم شِما.

گیله ماز

¹² یَعنی تا اَما همدیگَرِ ایمان هَمرَه دلگرم هَبیم، هَم من و هم شَما.

کتاب مقدس به زبان مازندرانی - گویش غربی

¹² یَعنی تا اَما همدیری ایمونی هَمرا دلگرم بَووئیم، هَم مِن و هَم شِما.

رومی ایشون 1:12 Iomraidhean Croise

اعمال رَسولان 11:23

وَختی برنابا اونجه بَرِسیه و خِدائه فیضِ بَدیئه، خِشال بَییه و همه ره تَشویق هاکارده تا تِموم دلِ هِمراه خِداوندِ وِفادار بوئِن،

رومی ایشون 1:11

چوون شِمه بَدیئِنِ وِسه ذوق دارمه تا روحانی عطایا، شِمه ایمونِ تقویتِ وِسه شِما ره هادِم-

رومی ایشون 1:13

ای بِرارون، نِخوامبه بی خَوِر بوئین که چَن کَش خواسِمه شِمه پَلی بِیِّم، ولی هر کَش یه چی پیش بییَمو. خوامبه که شِمه میون هم اَت کم محصول دِرو هاکانِم، هَمون طی که دییه غیر یَهودیونِ میون هاکاردِمه.

رومی ایشون 15:24

امید دارمه که وَختی دَره اسپانیا شومبه، شه راهِ سَر شِما ره بَوینِم تا بَعدِ از اون که اَت کم شِما ره بَدیمه، مِ ره اونجه ئه سَفِرِ دِله، کُمِک هاکانین.

رومی ایشون 15:32

بعد اگه خِدا بِخوائه، ذوقِ هِمراه شِمه پَلی بِیِّم تا شِمه پَلی، مِ جان تازه بَووه.

دوّمین نامه قرنتیانِ وَسین 7:13

اینِ وِسه هَسه که اِما تَسِلّی دارمی. علاوه بر اَمه تَسِلّی، اِما تیتوسِ بَدیئِنِ جِم ویشتر خِشال بیمی، چوون که وه روح شِما همهِ خاطِری، تازه بَییه.

اِفِسُسیان 4:5

یِتا خِداوند، یِتا ایمون، یِتا تَعمید؛

دوم تیموتائوس 1:4

وَختی تِ اَسری ها ره شه یاد یارمه، آرزو کامبه تِ ره بَوینِم تا خِشالیِ جِم پِر بَووِم.

تیتوس 1:4

تیتوس وِسه، که طبقِ ایمونی که اِما همهِ نَصیب بَییه، مِ حَییقی وچه ئه: فِیض و صِلح و سِلامتی خِدائه پییِرِ و اَمه نِجات​دهنده مَسیحِ عیسیِ طَرِف جِم تِ وِسه بِیّه.

پطرسی دِوّمین نامِه 1:1

شَمعونِ پِطرُسِ طَرِف جِم، عیسی مَسیحِ نوکِر و رَسول، کِسایی که خِدائه عِدالَتِ طریق و اَمه نجات‌دهنده عیسی مَسیح، ایمونی اَمه ایمونِ واری، وِشونِ نَصیب بَییه:

دوم یوحنا 1:4

مِن خَله خِشال بَیمه که بِفَهمِسِمه تِ وَچونِ جِم بعضیا طبقِ هَمون حِکمی که پییِرِ جِم بَییتیمی، ’حَییقَتِ‘ دِله زندگی کاندِنه.

یهودائه نامه 1:3

ای عَزیزون، با اینکه خَله ذوق داشتِمه تا اون نِجاتِ خَوِری که اِما همه اونِ دِله سَهم دارمی شِمه وِسه بَنویسِم، ولی لازم بَدیمه این چَن خط بَنوِشتِنِ هِمراه، شِمه جِم بِخوائم که اون ایمونی دِله که اَت کَش همیشه وِسه مِقدَّسینِ بِسپارِسه بَییه، تَقِلّا هاکانین.