یوحنایِ مکاشفه 9:20 - کتاب مقدس به زبان مازندرانی - گویش شرقی

²⁰ بَقیه آدِمون، که این سه تا بِلائه جِم بَکوشته نَینه، نا شه دَسِ کارائه جِم تووبه هاکاردِنه و نا دِوهائه پَرَسِش هاکاردِنِ جِم و نا طِلایی و نِقره ای و برنجی و سنگی و چویی بِت هائه پَرَسِش هاکاردِنِ جِم که نا، توندِنه بَوینِن و نا، اِشنُنِنه و نا، راه شونِنه.

گیله ماز

²⁰ بَقیِه آدَمِان، که این سِه تا بَلایِ جی بکوشت نَبان، نه خودِشانِه دَسِ کارانِ جی توبِه هَکُردَن و نه آلِشانه پَرَسِّش هکُردنِ جی و نه طَلائی بُتِشان و نقره ایی و برنجی و سَنگی و چویی بُتِشانِ پَرَسِّش هکُردنِ جی، که نه تانَن بَینِن و نه اِشنَوِنِن و نه راه شونِن.

کتاب مقدس به زبان مازندرانی - گویش غربی

²⁰ بَقیِه آدَمِن، گه هَین سِه تا بَلایی جا بکوشت نَوِنِه، نا شی دَسی کارایی جا توبِه هاکِردِنِه و نا دِویشونی پَرَسِش هاکردنی جا و نا طِلا بِتیشون و نقره ای و برنجی و سَنگی و چویی بِتیشونی پَرَسِش هاکردنی جا، گه نا بَتِنِّنِه بَوینِن و نا اِشنُنِنِه و نا راه شونِنِه.

یوحنایِ مکاشفه 9:20 Iomraidhean Croise

اِنجیلِ مَتّی 21:32

یحیی بییَمو تا صالح زندگی هاکاردِنِ راهِ شِما ره سِراغ هاده ولی شِما وه گَبِ باوِر نَکاردینی. ولی خراجگیرون و فاحِشِه ها وه گَبِ باوِر هاکاردِنه. و شِما با اینکه اینا ره بَدینی، شِمه رَه بَرنَگِردِسه و باوِر نَکاردینی.»

اعمال رَسولان 17:29

«اِسا که خِدائه نَسلِ جِم هَسیمی، خوار نییه این طی فکر هاکانیم که خِدابییَن، طِلا یا نِقره یا سَنگِ واریِ، یِتا مجسمه واری که آدِمیِ هنر و خیالاتِ هِمراه، بَتِراشی بَییه بوئه.

اعمال رَسولان 19:26

ولی هَمون طی که ویندِنی و اِشنُنِنی، این پولُس نا فِقَط اَفِسُسِ دِله، بلکه تِمومِ آسیائه مَنطقهِ دِله، یَته خَله مَردِمِ قانع و گُمراه هاکارده. وه گانه خِدایونی که آدِمی دَسِ جِم بِساته بونِنه، خِدایون نینه.

اعمال رَسولان 7:41

اون روزائه دِله بییه که یِتا بِت، گوگزائه واری بِساتِنه و وه وِسه، قِروونی هاکاردِنه و اونچی بِساته بینهِ وِسه جَشن بَییتِنه.

دوّمین نامه قرنتیانِ وَسین 12:21

و اونِ تَرسِ هم دارمه که وَختی شِمه پَلی بِیِّم، مِ خِدا شِمه پَلی مِ ره فروتن هاکانه و مِن مجبور بَووِم بعضیائه خاطِری که قبلاً گِناه هاکاردِنه و شه ناپاکی، بی عفتی و عیاشیِ جِم تووبه نَکاردِنه، عزاداری هاکانِم.

اول تیموتائوس 4:1

ولی خِدائه روح، واضح گانه که آخِرین زِمون هائه دِله، بَعضیا شه ره اون روح ها که گول زَندِنه و دِوهائه تعالیمِ، وَقف کاندِنه و ایمونِ جِم بَرگِردِنِنه،

یوحنایِ مکاشفه 15:1

اون مووقه یِتا دییه گَتِ نِشونه و عجیب، آسمونِ دِله بَدیمه: هفتا فرشته که هَفتا بِلا وِشونِ هِمراه بییه، وِشون آخِرین بِلاها هَسِنه- چوون وِشونِ هِمراه خِدائه غَضِب تِموم بَییه.

یوحنایِ مکاشفه 16:8

چهارمین فرشته شه پیاله ره اِفتابِ سَر دَشِندیه، و اِفتابِ اِجازه هِدا بَییه تا مَردِمِ تَشِ هِمراه بَسوزونه.

یوحنایِ مکاشفه 9:19

چوون اسبائه قِد وِشونِ دِهون و دِمِ دِله دَییه. چوون وِشونِ دِم ها مَرِ واریِ که کلّه دارنه و اونائه هِمراه صَدِمه زَندِنه.

یوحنایِ مکاشفه 9:21

وِشون شه آدِمکُشی ها و جادوگری ها و بی‌عفتی ها و دِزی هائه جِم هم تووبه نَکاردِنه.