یوحنایِ مکاشفه 9:18 - کتاب مقدس به زبان مازندرانی - گویش شرقی

¹⁸ این سه تا بِلائه هِمراه، تَش و دی و گوگرد که اونائه دِهونِ جِم بیرون زوئه، یه سوّمِ آدِمون بَکوشته بَینه.

گیله ماز

¹⁸ این سِه تا بلایِ هَمرَه، تَش و دود و گوگِرد که اوشانِ دَهنِ جی دِرگا زنه با، یه سِوّمِ آدَمان بَکوشتِ هَبان.

کتاب مقدس به زبان مازندرانی - گویش غربی

¹⁸ هَین سِه تا بلایی هَمرا، تَش و دی و گوگِرد گه اونِنی دِهِنی جا دیرگا زووِه، یَه سِوّمِ آدَمِن بَکوشت بَوِنِه.

یوحنایِ مکاشفه 9:18 Iomraidhean Croise

یوحنایِ مکاشفه 8:10

سِوّمین فرشته شه شیپورِ دِله فوت هاکارده، و یِتا گَتِ ستاره یِتا مشعلِ واری که دَره سوزِنه آسمونِ جِم یه سوّم از رودخانه‌ها و چشمه‌هائه اوهِ سَر دَکِته.

یوحنایِ مکاشفه 8:11

اون ستارهِ اسم «اَفْسَنْتینِ»، و یه سوّم از اوه ها اَفْسَنْتینِ هِمراه تَل بَینه. و یَته خَله مَردِم اون اوه هائه هِمراه که تَل بَییه بینه، بَمِردِنه.

یوحنایِ مکاشفه 8:12

چهارمین فرشته شه شیپورِ دِله فوت هاکارده، و اِفتابِ یه سوّم، و ماهِ یه سوّم و ستاره هائه یه سوّم ضربه بَخُردِنه، جوری که یه سوّم از اونائه نور تاریک بَییه. و روزِ یه سوّم بی نور بَمونِسه و شوِ یه سوّم هم همین طی.

یوحنایِ مکاشفه 8:7

اَوِّلین فرشته شه شیپورِ دِله فوت هاکارده، و تگرگ و تشی که خونِ هِمراه قاطی بییه، که زِمینِ سَر بِبارِسه و یه سوّم زِمین بَسوته و یه سوّم دارها بَسوتِنه و تِمومِ سبزِ واش ها بَسوتِنه.

یوحنایِ مکاشفه 8:8

دِوّمین فرشته شه شیپورِ دِله فوت هاکارده، و یه چی یِتا گَتِ کوهِ واری که تش بَییته بییه، دریائه دِله دِم بِدا بَییه و دریائه یه سوّم خون بَییه.

یوحنایِ مکاشفه 8:9

و دریائه جانورون جِم یه سوّم بَمِردِنه و کشتیهائه جِم یه سوّم نابود بَینه.

یوحنایِ مکاشفه 9:15

پَس اون چهارتا فرشته که اون ساعت و اون روز و اون ماه و اون سالِ وِسه آماده بَییه بینه، آزاد بَینه تا یه سوّمِ آدِمونِ بَکوشِن.

یوحنایِ مکاشفه 9:17

اسب ها و وه سوارونِ شه رؤیائه دِله این طی بَدیمه: اونائه زره هائه رنگ، تَشِ سِرخی و آبیِ کبودی و گوگردِ زردی ره داشته. اسبائه کلّه، شیرِ کلّهِ واری بییه و اونائه دِهونِ جِم تَش و دی و گوگرد بیرون زوئه.

یوحنایِ مکاشفه 9:19

چوون اسبائه قِد وِشونِ دِهون و دِمِ دِله دَییه. چوون وِشونِ دِم ها مَرِ واریِ که کلّه دارنه و اونائه هِمراه صَدِمه زَندِنه.