یوحنایِ مکاشفه 9:15 - کتاب مقدس به زبان مازندرانی - گویش شرقی

¹⁵ پَس اون چهارتا فرشته که اون ساعت و اون روز و اون ماه و اون سالِ وِسه آماده بَییه بینه، آزاد بَینه تا یه سوّمِ آدِمونِ بَکوشِن.

گیله ماز

¹⁵ پَس اون چار تا فرشته که اون ساعَت و اون روز و اون ماه و اون سالِ وَسین اَمادِه هَبابان بایِسّی، آزاد هَبون تا یه سِوّمِ آدَمانِ بَکوشَن.

کتاب مقدس به زبان مازندرانی - گویش غربی

¹⁵ پَس هون چار تا فرشته گه هون ساعَت و هون روز و هون ماه و هون سالی سِه اَمادِه بَوِه وِنِه، آزاد بَوِنِه تا یَه سِوّمِ آدَمِنِ بَکوشِن.

یوحنایِ مکاشفه 9:15 Iomraidhean Croise

یوحنایِ مکاشفه 20:7

وَختی که اون هزار سال تِموم بَووه، شیطان شه زِندونِ جِم آزاد بونه

یوحنایِ مکاشفه 8:10

سِوّمین فرشته شه شیپورِ دِله فوت هاکارده، و یِتا گَتِ ستاره یِتا مشعلِ واری که دَره سوزِنه آسمونِ جِم یه سوّم از رودخانه‌ها و چشمه‌هائه اوهِ سَر دَکِته.

یوحنایِ مکاشفه 8:7

اَوِّلین فرشته شه شیپورِ دِله فوت هاکارده، و تگرگ و تشی که خونِ هِمراه قاطی بییه، که زِمینِ سَر بِبارِسه و یه سوّم زِمین بَسوته و یه سوّم دارها بَسوتِنه و تِمومِ سبزِ واش ها بَسوتِنه.

یوحنایِ مکاشفه 8:8

دِوّمین فرشته شه شیپورِ دِله فوت هاکارده، و یه چی یِتا گَتِ کوهِ واری که تش بَییته بییه، دریائه دِله دِم بِدا بَییه و دریائه یه سوّم خون بَییه.

یوحنایِ مکاشفه 8:9

و دریائه جانورون جِم یه سوّم بَمِردِنه و کشتیهائه جِم یه سوّم نابود بَینه.

یوحنایِ مکاشفه 9:10

اونائه دِم و نیش، عقرِبِ دِم و نیشِ واری بییه، و شه دِمِ دِله این قِدرتِ داشتِنه که مَردِمِ پَنج ماه عِذاب هادِن.

یوحنایِ مکاشفه 9:18

این سه تا بِلائه هِمراه، تَش و دی و گوگرد که اونائه دِهونِ جِم بیرون زوئه، یه سوّمِ آدِمون بَکوشته بَینه.

یوحنایِ مکاشفه 9:5

و اونا ره اِجازه هِدا بَییه که اون مَردِمِ پَنج ماه عِذاب هادِن، بدون این که هیچکسِ بَکوشِن. و وِشونِ عِذاب عقربِ عِذابِ واری بییه، اون مووقه که یه نَفِرِ نیش زَنده.