یوحنایِ مکاشفه 8:7 - کتاب مقدس به زبان مازندرانی - گویش شرقی

⁷ اَوِّلین فرشته شه شیپورِ دِله فوت هاکارده، و تگرگ و تشی که خونِ هِمراه قاطی بییه، که زِمینِ سَر بِبارِسه و یه سوّم زِمین بَسوته و یه سوّم دارها بَسوتِنه و تِمومِ سبزِ واش ها بَسوتِنه.

گیله ماز

⁷ اوّلین فِرِشتِه خودشه شیپورِ دِلهِ بِدَمِسِّه، و تگرگ و تَشِی که خونِ هَمرَه قاطی با، زَمینِ سَر بِوارِسِّه و یه سِوّمِ زمین بَسوتِه و یه سِوّمِ دارِشان بَسوتَن و تمام سبزِ واشِشان بَسوتَنِ.

کتاب مقدس به زبان مازندرانی - گویش غربی

⁷ اوّلین فِرِشتِه شی شیپوری دِلِه پی هاکِردِه، و تگرگ و تَشی گه خونی هَمرا قاطی وِه، گه زَمینی سَر بَوارِسِه و یَه سِوّمِ زمین بَسوتِه و یَه سِوّمِ داریشون بَسوتِنِه و دِشتِه سبزِ واشیشون بَسوتِنِه.

یوحنایِ مکاشفه 8:7 Iomraidhean Croise

یعقوبِ نامه 1:11

هَمون‌طی که خِرشید شه گرمائه هِمراه در اِنه و واشِ خِشک کانده و وه گُل کَلِنه و وه قَشِنگی از بین شونه، پولدارِ آدِم هَم شه کسبِ کارِ دِله، از بین شونه.

اول پِطرُس 1:24

چوون، «تِمومی جسم، واشِ واریِ و تِمومِ وه جِلال واشِ گُلِ واریِ؛ واش خِشک بونه و وه گلها کَلِنِنه،

یوحنایِ مکاشفه 12:4

شه دِم هِمراه آسِمونِ ستاره هائه یه سِوّمِ جَمع هاکارده و زِمینِ سَر دَشِندیه. اژدها اون زِنائه روب رو که دییه خواسه بِزائه، اِیست هاکارده، تا همین که وه وچه دِنیا بییَمو، اونِ بِبَلعه.

یوحنایِ مکاشفه 16:2

پَس اَوِّلین فرشته بورده و شه پیاله ره زِمینِ سَر دَشِندیه، و زخمایی که بَدنِما و دَردِ هِمراه بییه، اون مَردِمِ سَر ظاهر بَییه که اون وحشی جانورِ عِلامِتِ داشتِنه و وه مجسمه ره پَرِسش کاردِنه.

یوحنایِ مکاشفه 16:21

و گَتِ تَگِرگِ که هر کِدوم، دورِ بَرِ پنجاه کیلو وزن داشته؛ آسِمونِ جِم آدِمونِ سَر بِوارِسه، آدِمون، خِدا ره تگرگِ بِلائه خاطِری لعنت هاکاردِنه، چوون این بِلا خَله سَخت بییه.

یوحنایِ مکاشفه 6:8

و مِن بَدیمه و هارِش، یِتا رنگ و رو بوِرده اسب بییه و اون کسِ اسم که اسبِ سَر سِوار بییه، مَرگ بییه و مِرده هائه دِنیا وه دِمبال اییَمو. و وِشونِ اقتدار هِدا بَییه تا زمینِ یه چهارم شمشیر و قحطی و کُشندهِ مرض و زمینِ وحشیِ جانورونِ هِمراه بَکوشِن.

یوحنایِ مکاشفه 7:1

بعد، چهارتا فرشته بَدیمه، زِمینِ چهارتا گوشه اِیست هاکارده بینه و زِمینِ چهارتا وائه دَمِ گِتِنه تا هیچ وایی زِمینِ سَر و دریائه سَر و هیچ دارِ سَر نَزِنه.

یوحنایِ مکاشفه 9:15

پَس اون چهارتا فرشته که اون ساعت و اون روز و اون ماه و اون سالِ وِسه آماده بَییه بینه، آزاد بَینه تا یه سوّمِ آدِمونِ بَکوشِن.

یوحنایِ مکاشفه 9:18

این سه تا بِلائه هِمراه، تَش و دی و گوگرد که اونائه دِهونِ جِم بیرون زوئه، یه سوّمِ آدِمون بَکوشته بَینه.

یوحنایِ مکاشفه 9:4

و اونا ره بااوته بَییه که نا زِمینِ واش ها ره و نا هیچ سبزِ گیاه یا داری ره صدمه نَزِنِن، بلکه فِقَط مَردِمی ره صدمه بَزِنِن که خِدائه مُهرِ شه پیشونیِ سَر ندارنِنه.