یوحنایِ مکاشفه 7:4 - کتاب مقدس به زبان مازندرانی - گویش شرقی

⁴ و بِشنُسِمه که مُهر بَییه هائه تعداد صد و چهل و چهار هزار نَفِر تِمومِ بنی‌اِسرائیلِ قومِ طایفه هائه جِم بییه.

گیله ماز

⁴ و بِشنَوِسَّم مُهرهَبوسِّه شانه تعداد صد و چِهل و چار هزار نَفَر تمام بنی اسرائیلِ قومِ طایفه شانه جی با.

کتاب مقدس به زبان مازندرانی - گویش غربی

⁴ و بِشنُسِمِه مِهر بَوِه ایشونی تعداد صد و چِل و چار هزار نَفَر دِشتِه بنی اسرائیلی قومی طایفه ایشونی جا وِه.

یوحنایِ مکاشفه 7:4 Iomraidhean Croise

اِنجیلِ مَتّی 19:28

عیسی وِشونِ بااوته: «حَییقَتاً شِما ره گامبه اون تازِه دِنیائه دِله وَختی اِنسانِ ریکا شه پادشاهیِ تَختِ سَر هِنیشه، شِما هم که مِ دِمبالِرونی، دِوازه تَختِ سَر نیشِنِنی و اِسرائیلِ دِوازه قَبیله ره داوِری کاندینی .

لوقا 14:22

نوکِر بااوته: ”آقا، تِ دَستورِ اِنجام هِدامه، ولی هَمتی جا دَره.“

لوقا 22:30

تا مِ سِفرهِ سَر مِ پادشاهیِ دِله بَخُرین و بَنوشین و تخت هائه سَر هِنیشین و اِسرائیلِ دِوازده قَبیله ره داوِری هاکانین.

اعمال رَسولان 26:7

این هَمون وَعده ایِ که اَمه دِوازده تا قَبیله، امید داشتنه که اونِ به دَس بیارِن. اینِ وِسه شه دِلِ جِم شو و روز دِعا کاردِنه تا اونِ بَرِسِن. اَره، ای پادشاه، یَهودیون همین امیدِ خاطِریه که مِ ره مِتّهم کاندنه.

رومی ایشون 9:27

و اِشَعیائه پیغمبر اِسرائیلِ قومِ خَوِری گانه که: «حَتَّی اگه اِسرائیلِ قومِ تعداد، دریائه ریگِ واری بوئه، فِقَط اَتِ کم نِجات گِرنِنه.

یعقوبِ نامه 1:1

یَعقوبِ جِم، خِدا و عیسی مسیح خِداوندِ نوکِر، دِوازده قَبیلهِ وِسه که جاهائه دییهِ پخش و پِلانه. سِلام!

یوحنایِ مکاشفه 14:1

بعد بَدیمه و هارِش، اون وَره صَهیونِ کوهِ سَر اِیست هاکارده بییه، و وه هِمراه صد و چهل و چهار هزار نَفِر دَینه که شه پیشونی سَر وه اسم و وه پیرِ اسمِ بَنوِشته داشتِنه.

یوحنایِ مکاشفه 14:3

وِشون اون تَختِ روب رو و اون چهارتا زنده مَخلوق و اون پیرائه روب رو یِتا جدیدِ سرود بَخوندِسِنه. هیچ کس نَتونِسه اون سرودِ یاد بَیره، به جز اون صد و چهل و چهار هزار نَفِر که زِمینِ مَردِمِ میون اَت کَش دییه بَخری بَییه بینه.

یوحنایِ مکاشفه 7:5

یهودائه طایفهِ جِم دِوازَه هزار نَفِر مُهر بَینه، رِئوبینِ طایفهِ جِم، دِوازَه هزار نَفِر، جادِ طایفهِ جِم، دِوازَه هزار نَفِر،

یوحنایِ مکاشفه 9:16

سِواره نظامِ تعداد دویست میلیون نَفِر بییه؛ که وِشونِ تعدادِ بِشنُسِمه.