یوحنایِ مکاشفه 7:17 - کتاب مقدس به زبان مازندرانی - گویش شرقی

¹⁷ چوون اون وَره که تَختِ میونِ اِیست هاکارد، وِشونِ چَپون بونه، و وِشونِ، زندگیِ اوه چشمه‌هائه سَمت راهنِمایی کانده. و خِدا هر اَسری ره وِشونِ چِشائه جِم پاک کانده.»

گیله ماز

¹⁷ چون اون وَرِّه ایی که تَختِ میَن هیسَه، اوشانه گالِش بونه، و اوشانه زِندگی یه اُویه چِشمِه شانه سمت رانَمایی کانه. و خُدا هر آرسو رِه اوشانه چِشِ جی پاک کانه.»

کتاب مقدس به زبان مازندرانی - گویش غربی

¹⁷ چون هون وَرکایی گه تَختی میِن اِسّا، وِشونی چَپون وونِه، و وِشونِه زِندگی ای اُوئی چِشمِه ایشونی سِه رانِمایی کِنِّه. و خِدا هر اَسری رِه وِشونی چِشی جا پاک کِنِّه.»

یوحنایِ مکاشفه 7:17 Iomraidhean Croise

اِنجیلِ مَتّی 2:6

' اِی بیت‌لِحِم، یَهودائه مِلکِ دِله، تِ اَصلِاً یَهودائه دییه حاکِمونِ جِم كَمتِر نیئی، چوون تِ جِم یِتا حاکِم ظِهور کانده كه مِ قُوم، اِسرائیلِ، رَهبِری کانده'»

اِنجیلِ مَتّی 5:4

«خِش به حال ماتِم بَزوها، چوون وِشون تَسِلّی گِرنِنه.

اِنجیلِ یوحنا 10:11

«مِن خِوارِ چپونِمه. خِوارِ چپون شه جانِ گُسفِنائه وِسه اییِلنه.

اِنجیلِ یوحنا 10:14

مِن خِوارِ چپونِمه. مِن شه گُسفِنا ره اِشناسِمبه و مِ گُسفِنا مِ ره اِشناسِنِنه،

اِنجیلِ یوحنا 4:10

عیسی وه جِواب بااوته: «اگه خِدائه هَدیه ره فَهمِسی و دونِسی کیِ که تِ ره گانه؛ اَت کم مِ ره اوه هاده، تِ شه وه جِم خواسی و وه تِ ره اوه ای دائه که تِ ره زندگی هاده.»

اِنجیلِ یوحنا 4:11

زِنا وه ره بااوته: «آقا، هیچی نِدارنی وه هِمراه اوه بَکِشی و چاه هم خَله گودِ، پَس اون اوه ای که زندگی دِنه ره کجه جِم یارنی؟

اِنجیلِ یوحنا 4:14

ولی هر کی اون اوهِ جِم که مِن وه ره دِمبه بَخُره، هیچ وَخت اَی تِشنا نَوونه، اوه ای که مِن وه ره دِمبه وه وجودِ دِله یِتا چشمهِ‌ واری بونه که تا اَبدی زندگی جوشِنه و سَرمشت بونه.»

اعمال رَسولان 20:28

شِمه حِواس دَووه و تِمومِ گلّه ای که روح القدس شِما ره وِشونِ نظارتِ وِسه بییِشتهِ مِواظِب بوئین و خِدائه کلیسا ره که اونِ شه خونِ هِمراه بَخریه ره چَپونی هاکانین.

اول پِطرُس 5:2

گلّه ای که خِدا شِمه ‌دَس بِسپارِسه ره چَپونی و نظارت هاکانین، نا ‌زور زوری بلکه میل و رغبتِ هِمراه، [هَمون طی که خِدا خوانه؛] و نا شرم آورِ سودِ وِسه بلکه شوقِ هِمراه.

یوحنایِ مکاشفه 14:4

وِشون هَمون کِسایینه که شه ره زَن هائه هِمراه نَجس نَکاردِنه، چوون این مَردا اَذِبِنه. وِشون هَمون کِسایینه که وَره هر کِجه بوره وه دِمبال شونِنه. وِشون آدِمونِ میونِ جِم اَت کَش دییه بَخری بَینه تا خِدا و وَرهِ نوبِر بوئِن.

یوحنایِ مکاشفه 21:22

شَهرِ دِله هیچ معبدی نَدیمه، چوون خِداوندْ خِدائه قادر مطلق و وَره، وه معبِد هَسِنه.

یوحنایِ مکاشفه 21:23

شَهر اِفتاب و ماهِ احتیاج نِدارنه که اونِ رووشِن هاکانه چوون خِدائه جِلال اونِ سو دِنه و وَره اونِ لمپائه.

یوحنایِ مکاشفه 21:4

وه، وِشونِ چِشائه جِم هر اَسری ره پاک کانده. و دییه مرگی دَنییه؛ و دییه هیچ شیون و هیچ برمه و هیچ دردی دَنیه، چوون اَوِّلین چیا از بین بوردِنه.»

یوحنایِ مکاشفه 21:6

و وه مِ ره بااوته: «اِنجام بَییه! مِن ”الف“ و ”ی“ و اَوِّل و آخِرِمه. مِن هر کس که تِشنا بوئه ره زندگیِ چشمهِ اوهِ جِم مجانی وه ره دِمبه.

یوحنایِ مکاشفه 22:1

بعد اون فرشته زندگیِ رودخانهِ اوه ره مِ ره سِراغ هِدا که بلورِ واری شفاف بییه و خِدا و وَرهِ تَختِ جِم سَرازیر بونِسه

یوحنایِ مکاشفه 4:11

«ای اَمه خِداوندْ، اِی اَمه خِدا، تِ لایقی که جِلال و حِرمت و قِوَّت تِ ره پیشکش بَووه، چوون که همه چی ره تِ خَلق هاکاردی و همه چی تِ خواسِ هِمراه به وجود بییَمو و خَلق بَییه.»

یوحنایِ مکاشفه 5:6

و تَختِ میون اون چهار تا زنده مخلوق و پیرائه میون یِتا وَره بَدیمه اِیست هاکارده بییه که یِتا قِروونیِ واری، هفتا شاخ و هفتا چِش داشته،که خِدائه هفتا روحِنه که تِمومِ آدِمونی که زِمینِ سَر دَرِنهِ وِسه بَفرِسی بَینه.