یوحنایِ مکاشفه 6:5 - کتاب مقدس به زبان مازندرانی - گویش شرقی

⁵ وَختی که وَره سِوّمین مُهرِ بِشکِسه، بِشنُسِمه که سِوّمین زنده مخلوق بااوته: «بِرو!» و مِن بَدیمه و هارِش، یِتا سیوِ اَسب بییه و اونی که اون اسبِ سَر سِوار بییه شه دَسِ دِله یِتا ترازو داشته.

گیله ماز

⁵ وختی که وَرِّه، سِوّمین مُهرِ بِشکِندِه، بِشنَوِسَّم که سِوّمین زندهِ مخلوقِ باَگوته: «بیِه!» هَمینکه بِیشییَم، ایتا سیا اَسب بَدییَم و اونیکه اون اَسبِ سَر سَوار با خودشه دَسِ دِلهِ ایتا ترازو داشتِه.

کتاب مقدس به زبان مازندرانی - گویش غربی

⁵ وختی گه وَرکا، سِوّمین مِهرِ بِشکانیه، بِشنُسِمِه گه سِوّمین زینِّه مخلوقِ بُتِه: «بِرِه!» و مِن بئیمِه و هارِش، یَتِه سیو اَسب وِه و اونیگه هون اَسبی سَر سِوار وِه شی دَسی دِلِه یَتِه ترازو داشتِه.

یوحنایِ مکاشفه 6:5 Iomraidhean Croise

اِنجیلِ مَتّی 24:7

قومها و مملِکَت ها علیه هم حِرِسِنِنه و قَحطی و زِلزِله، جاهائه مختلف اِتّفاق کَفِنه.

یوحنایِ مکاشفه 5:5

اون مووقه یِتا از پیرا مِ ره بااوته: «برمه نَکِن؛ هارِش اون شیر که یهودائه قَبیلهِ جِم و داوودِ ریشهِ جِم هَسه، پیروز بَییه، تا طومار و اون هفتا مُهرِ واز هاکانه.»

یوحنایِ مکاشفه 5:9

و وِشون یِتا جدید سرود بَخوندِسِنه که گاته: «تِ لیاقت دارنی که طومارِ بَیری و وه مُهرها ره بِشکِنی، چوون که قِروونی بَئی و شه خونِ هِمراه مَردِمِ هر طایفه و زِوون و قوم و ملَّت، خِدائه وِسه بَخری ای؛

یوحنایِ مکاشفه 6:1

اون مووقه وَره ره بَدیمه که یِتا از اون هفتا مُهرِ بِشکِسه و بِشنُسِمه یِتا از اون چهارتا زنده مخلوق یِتا صدائه هِمراه که رعدِ واری بییه بااوته: «بِرو!»