یوحنایِ مکاشفه 6:4 - کتاب مقدس به زبان مازندرانی - گویش شرقی

⁴ و یِتا دییه اسب بیرون بییَمو که تشِ واری سِرخ بییه، و اونی که اون اسبِ سَر سِوار بییه ره این اِجازه هِدا بَییه تا صِلح و سِلامتی ره زِمینِ جِم بَیره تا مَردِم هَمدییه ره بَکوشن و یِتا گَتِ شمشیر وه ره هِدا بَییه.

گیله ماز

⁴ و ایتا دیگه اَسب دِرگا بوما که تَشِ مِثان سُرخ با، اونیکه اون اسبِ سَر سَوار با، این اِجازِه اونه هَدَه هَبا تا صلح و سلامتی رِه زَمینِ جی هَگیره تا مَردُم همدیگَرِ بَکوشَن، و ایتا گَتِه شَمشیر اونه هَدَه هَبا.

کتاب مقدس به زبان مازندرانی - گویش غربی

⁴ و یَت دییَر اَسب دیرگا بیمو گه هِتی تَشی تَرا سِرخ وِه، اونیگه هون اسبی سَر سِوار وِه، هَین اِجازِه هادا بَوِه تا صلح و سلامتی رِه زَمینی جا بَیرِه تا مَردِن همدیرِ بَکوشِن، و یَتِه گَتِه شَمشیر وِرِه هادا بَوِه.

یوحنایِ مکاشفه 6:4 Iomraidhean Croise

اِنجیلِ مَتّی 10:34

«گَمون نَکِنین كه بییَمومه تا آشتی زِمینِ سَر بیارِم؛ نییِمومه آشتی بیارِم بلکه شَمشیر.

اِنجیلِ مَتّی 24:6

هَمین طی هم دَرواره جَنگ اِشنُنِنی و جَنگِ خَوِر شِمه گوش رِسِنه. ولی هراسون نَووین چوون که این طی اِتِّفاق وِنه دَکِفه، ولی آخِرِ زِمونِ دوره هَمتی نَرِسیه.

اِنجیلِ یوحنا 19:11

عیسی بااوته: «اگه خِدا، این اِختیارِ تِ ره نِدا بییه تِ هیچ اِختیاری مِ سَر نِداشتی؛ اینِ وِسه، اونی که مِ ره تِ تَحویل هِدا، وه گِناه ویشتَرِ.»

یوحنایِ مکاشفه 12:3

بعد یِتا دییه نشونه آسمونِ دِله ظاهر بَییه: هارِش یِتا گَتِ سِرخِ اژدِها که هَفتا کلّه و دَه تا شاخ داشته، و وه کلّه هائه سَر هفتا تاج دَییه.

یوحنایِ مکاشفه 13:10

اگه قِرار بوئه یه نَفِر اسیر بَووه، اسیریِ وِسه شونه. اگه قِرار بوئه یه نَفِر شَمشیرِ هِمراه بَکوشته بَووه وِنه شَمشیرِ هِمراه بَکوشته بَووه و این مِقدّسینِ پایداری و وِشونِ ایمونِ خوانه.

یوحنایِ مکاشفه 17:3

اون فرشته خِدائه روحِ دِله مِ ره صحرا بَوِرده. اونجه یِتا زِنا ره بَدیمه که یِتا سِرخِ وحشی جانورِ سَر سِوار بییه، اون جانورِ تَن، کفرآمیزِ اِسم هائه هِمراه دَپوشی بییه، و هفتا کلّه و ده تا شاخ داشته.

یوحنایِ مکاشفه 17:6

و بَدیمه که اون زِنا مقدّسینِ خون و اونایی که عیسیِ خاطِری شهید بَینهِ خونِ هِمراه مَسِّ. همین که زِنا ره بَدیمه خَله تَعجِّب هاکاردِمه.