یوحنایِ مکاشفه 4:6 - کتاب مقدس به زبان مازندرانی - گویش شرقی

⁶ و تَختِ جلو، یه چی دَییه که یِتا شیشه ای دریا ره موندِسه، بلورِ واری. تَختِ دور تا دور و چهارگوشه چهار تا زنده مخلوق دَیینه، و وِشونِ تَن هر طَرِف، پَس و پیش چِشِ جِم پِر بییه.

گیله ماز

⁶ وَ تَختِ جیر، یِچی دَبا که ایتا شیشه ایی دریا رِه ماندِنِه با، ایتا بِلورِ مِثان. تَختِ دُورتا دُور و چار گوشِه، چار تا زندهِ مخلوق دَبان، اوشانه تَن هر طرف، پَس و پیش، چِشِ جی پُر با

کتاب مقدس به زبان مازندرانی - گویش غربی

⁶ و تَختی پِش، یَچی دَوِه گه یَتِه شیشه ای دریارِه مونِسِّه، هِتی بِلوری تَرا. تَختی دُور تا دُور و چار گوشِه، چار تا زینِّه مخلوق دَوِنِه، وِشونی تَن هر طرف، پَس و پیش، چِشی جا پِر وِه

یوحنایِ مکاشفه 4:6 Iomraidhean Croise

یوحنایِ مکاشفه 14:3

وِشون اون تَختِ روب رو و اون چهارتا زنده مَخلوق و اون پیرائه روب رو یِتا جدیدِ سرود بَخوندِسِنه. هیچ کس نَتونِسه اون سرودِ یاد بَیره، به جز اون صد و چهل و چهار هزار نَفِر که زِمینِ مَردِمِ میون اَت کَش دییه بَخری بَییه بینه.

یوحنایِ مکاشفه 15:2

و یه چی بَدیمه که شیشه ای دریا ره موندِسه که تَشِ هِمراه قاطی بَییه بییه، و اونا ره هم بَدیمه که شیشه ای دریائه پَلی اِیست هاکارده بینه و اون وحشی جانور و وه مجسمه و وه اسمِ شمارهِ سَر پیروز بَییه بینه. و خِدائه سازهائه چَنگ وِشونِ دَسِ دِله دَییه.

یوحنایِ مکاشفه 15:7

یِتا از اون چهارتا زنده مخلوق، اون هفتا فرشته ره هَفتا طِلا پیاله که خِدائه غَضِبِ جِم پِر بییه، هِدا، خِدایی که تا اَبد و تا اَبد زنده ئه.

یوحنایِ مکاشفه 19:4

و اون بیست و چهارتا پیر و اون چهارتا زنده مخلوق شه دیمِ سَر دَکِتِنه ‌و خِدا که تَختِ سَر نیشته بییه ره پرسِش هاکاردِنه و بااوتِنه: «آمین. هَلِلویاه!»

یوحنایِ مکاشفه 21:11

خِدائه جِلالِ داشته و وه سو سو یِتا گرون و کمیابِ جواهرِ واری بییه، یشمِ واری و بلورِ واری شفاف.

یوحنایِ مکاشفه 21:18

شَهرِ دیفار، یشمِ جِم بِساته بَییه بییه، و شَهر خالِصِ طِلائه جِم، شیشهِ واری شفاف بییه.

یوحنایِ مکاشفه 21:21

و شَهرِ دِوازده تا دَروازه، دِوازده تا مِروارید بینه، هر کِدوم از دروازهها یِتا مِرواریدِ هِمراه بِساته بَییه بییه. و شَهرِ جادّه خالِصِ طِلائه جِم و شیشهِ واری شفاف بییه.

یوحنایِ مکاشفه 22:1

بعد اون فرشته زندگیِ رودخانهِ اوه ره مِ ره سِراغ هِدا که بلورِ واری شفاف بییه و خِدا و وَرهِ تَختِ جِم سَرازیر بونِسه

یوحنایِ مکاشفه 4:4

اون تَختِ دور تا دور، بیست و چهار تا تخت دَییه و اون تختائه سَر بیست و چهار تا پیر نیشته بینه. که اسبه لِواس شه تَن و طِلا تاج شه سَر داشتِنه.

یوحنایِ مکاشفه 5:11

اون وَخت هارِشیمه و یَته خَله فرشته هائه صِدا ره بِشنُسِمه که اون تخت و زنده مخلوقا و اون پیرائه دور تا دور دَیینه. وِشونِ تعداد دَسه دَسه و هزارون‌هزار بینه.

یوحنایِ مکاشفه 5:14

و اون چهارتا زنده مخلوق بااوتِنه: «آمین»، و اون پیرا شه دیمِ سَر دَکِتِنه و وه ره پَرَسِش هاکاردِنه.

یوحنایِ مکاشفه 5:6

و تَختِ میون اون چهار تا زنده مخلوق و پیرائه میون یِتا وَره بَدیمه اِیست هاکارده بییه که یِتا قِروونیِ واری، هفتا شاخ و هفتا چِش داشته،که خِدائه هفتا روحِنه که تِمومِ آدِمونی که زِمینِ سَر دَرِنهِ وِسه بَفرِسی بَینه.

یوحنایِ مکاشفه 5:8

وَختی که طومارِ بَییته، اون چهارتا زنده مخلوق و اون بیست و چهارتا پیر وَرهِ روب رو، بِنهِ سَر دَکِتِنه. هر کِدوم از وِشون، یِتا سازِ چَنگ شه دَس داشتِنه و پیاله هایی طِلائه جِم داشتِنه، که بُخورِ جِم پِر بییه که هَمون مقدّسینِ دِعاها هَسه.

یوحنایِ مکاشفه 6:1

اون مووقه وَره ره بَدیمه که یِتا از اون هفتا مُهرِ بِشکِسه و بِشنُسِمه یِتا از اون چهارتا زنده مخلوق یِتا صدائه هِمراه که رعدِ واری بییه بااوته: «بِرو!»

یوحنایِ مکاشفه 6:6

و اون چهارتا زنده مخلوق میون، یه چی صِدائه واری بِشنُسِمه که گاته: «یِتا دَئیل گندِم، یه دینار و سه تا دَئیل جو یه دینار؛ و راغون و شِرابِ ضرر نَزِن!»

یوحنایِ مکاشفه 7:11

و تِمومِ فرشته ها، تَختِ دورِ ور و پیرا و چهارتا زنده مخلوق دور اِیست هاکارده بینه؛ و وِشون شه دیمِ هِمراه بِنهِ سَر دَکِتِنه و خِدا ره پرسِش کاردِنه و

یوحنایِ مکاشفه 7:17

چوون اون وَره که تَختِ میونِ اِیست هاکارد، وِشونِ چَپون بونه، و وِشونِ، زندگیِ اوه چشمه‌هائه سَمت راهنِمایی کانده. و خِدا هر اَسری ره وِشونِ چِشائه جِم پاک کانده.»