یوحنایِ مکاشفه 3:17 - کتاب مقدس به زبان مازندرانی - گویش شرقی

¹⁷ چوون گانی: ”دولتمندِمه؛ مال و مِنال دارمه و هیچیِ مِحتاج نیمه.“ و نَدوندی که بدبخت و ذلیل و فقیر و کور و لِخت و پَتی ئی.

گیله ماز

¹⁷ چون گونی: ”دولتمندم؛ مال و مَنال دارَم و هیچی یه مُحتاج نییَم.“ و نِدانی که بدبخت و ذلیل و فقیر و کور و لُخت و پَتیئی.

کتاب مقدس به زبان مازندرانی - گویش غربی

¹⁷ چون گِنی: ”دولتمندمِه؛ مال و مَنال دارمِه و هیچی ای مِحتاج نیمِه.“ و نَئُونی گه بدبخت و ذلیل و فقیر و کور و لِخت و پَتیئی.

یوحنایِ مکاشفه 3:17 Iomraidhean Croise

اِنجیلِ مَتّی 5:3

«خِش به حالِ اونایی که روحِ دِله فَقیرِنِه چوون، آسِمونِ پادشاهی که خِدا وه حاکِمِ وِشونِ هَسه.

اِنجیلِ مَتّی 9:12

عیسی وِشونِ گَبِ بِشنُسه و بااوته: «مَریضونِنه که طَبیب احتیاج دارنِنه، نا سالمِ آدِمون.

لوقا 1:53

وِشناها ره خوارِ چی هائه هِمراه سیر هاکارده ولی پولدارونِ دَس خالی راهی هاکارده.

لوقا 6:24

«ولی وای به حال شِما که پولدارِنی، چوون همین اَلانِم شه راحتی ره بَییتِنی.

رومی ایشون 11:20

راس گانی. ولی اونا بی‌ایمونیِ خاطِری بَوری بَینه و تِ فِقَط ایمونِ سَر پابرجائی. پَس مَغرور نَواش، بلکه بَتِرس.

رومی ایشون 11:25

ای بِرارون، نِخوامبه این رازِ جِم بی خَوِر بوئین- نَکِنه شه ره حکیم بَدونین - که اِسرائیلِ یِتا قِسمِتِ سَنگ دلی بَییته، تا وِشونِ تعداد که قرارِ غیر یَهودیون میون، مَسیحِ ایمون بیارِن کامل بَووِن.

رومی ایشون 12:3

چوون اون فیضِ طَریقِ جِم که مِ ره هِدا بَییه، شِما هر کِدومِ گامبه که شه ره اونچی که هسینیِ جِم ویشتر، نَدونین، بلکه هر کِدوم اون ایمونِ اِندا که خِدا شِما ره هِدا، دِرِس قِضاوِت هاکانین.

رومی ایشون 7:24

آی، چَنده مِن بَدبختِ آدِمِمه! کیِ که مِ ره این بَمِرده تَنِ جِم آزاد هاکانه؟

پطرسی دِوّمین نامِه 1:9

چوون هر کس که این صفاتِ نِدارنه، اَنده کورِ که شه لینگِ پیشِ نَوینده و یادِ جِم بَوِرده که شه قدیمی گِناهونِ جِم پاک بَییه.

یوحنایِ مکاشفه 16:15

«هارِش، مِن دِزِ واری اِمبه! خِشا به حالِ اونی که بیدار بَمونه و لِواسِ دَپوشیه بوئه، نَکِنه لِخت و پتی راه دَکِفه و همه وه رِسوایی ره بَوینِن.»

یوحنایِ مکاشفه 2:9

تِ عِذاب ها و فقر جِم خَوِر دارِمه، ولی تِ دولتمندی! و اون آدِمائه تِهمتهائه جِم خَوِر دارمه که گانِنه یهودینه و نینه، بلکه شیطانِ عبادتگاهِنه.

یوحنایِ مکاشفه 3:16

پَس چوون ولرمی و نا داغی و نا بِچا، تِ ره خِلیک واری دِهونِ جِم بیرون دِم دِمبه.