یوحنایِ مکاشفه 21:9 - کتاب مقدس به زبان مازندرانی - گویش شرقی

⁹ بعد یِتا از اون هفتا فرشته که هفتا پیاله که هفتا آخِرین بِلائه جِم پِر بییه ره داشتِنه، بییَمو و مِ ره بااوته: «بِرو! مِن آروس، یعنی وَرهِ زِنا ره تِ ره سِراغ دِمبه.»

گیله ماز

⁹ ایما، ایتا از اون هفتا فِرشتِه که هفتا پیالِه که هفتا آخرین بلایِ جی پُر با رِه داشتِن، بوما و مَرِه باَگوته: «بیِه، مَن عروس، یعنی وَرِّه یه زِنا رِه تِرهِ نِشان دَنَم.»

کتاب مقدس به زبان مازندرانی - گویش غربی

⁹ اَزما، یَتِه از هون هفتا فِرشتِه گه هفتا پیالِه گه هفتا آخرین بلایی جا پِر وِه رِه داشتِنِه، بیمو و مِنِه بُتِه: «بِرِه، مِن عروس، یَعنی ورکائی زَنارِه تِرِه هَم دِمِه.»

یوحنایِ مکاشفه 21:9 Iomraidhean Croise

یوحنایِ مکاشفه 1:1

عیسی مسیحِ مکاشفه، که خِدا وه ره هِدا تا اون چیا که وِنه خَله زود اِتّفاق دَکِفه ره شه نوکِرونِ سِراغ هاده، وه اینِ شه فِرشتهِ بَفرِسییِنِ هِمراه، شه نوکِر یوحنائه وِسه دیار هاکارده.

یوحنایِ مکاشفه 17:1

بعد یِتا از اون هفتا فرشته که هفتا پیاله داشتِنه جلو بییَمو و مِ ره بااوته: «بِرو تا اون گَتِ فاحشهِ داوری که خَله اوه هائه سَر نیشته ره تِ ره سِراغ هادِم.

یوحنایِ مکاشفه 19:7

بِئین ذوق هاکانیم و خِشال بوئیم، و وه ره جِلال هادیم، چوون اون وَره ئه آروسیِ مووقه بَرِسیه، و وه آروس شه ره آماده هاکارده؛

یوحنایِ مکاشفه 21:17

فرشته شَهرِ دیفارِ اِندازه بَییته که آدِمیِ قیاسِ هِمراه اون دیفار، شصت و پَنج متر بییه، که فِرشتهِ قیاسِ هم این بییه.

یوحنایِ مکاشفه 21:2

و مِقدَّسِ شَهر یعنی جدیدِ اورشَلیمِ بَدیمه که آسمونِ جِم خِدائه پلیِ جِم دَییه جِر اییَمو، یِتا آروسِ واری که شه ره شه شیِ وِسه بَزِک هاکارده بوئه، آماده بَییه.

یوحنایِ مکاشفه 22:1

بعد اون فرشته زندگیِ رودخانهِ اوه ره مِ ره سِراغ هِدا که بلورِ واری شفاف بییه و خِدا و وَرهِ تَختِ جِم سَرازیر بونِسه

یوحنایِ مکاشفه 22:17

خِدائه روح و آروس گاننه: «بِرو!» هر کی اینِ اِشنُنه باره: «بِرو!» هر کی تِشنا هَسه، بِیّه؛ و هر کی خوانه، زندگیِ اوهِ جِم مجانی بَیره.

یوحنایِ مکاشفه 22:6

فرشته مِ ره بااوته: «این گَب ها راس و بونه اِعتماد هاکارد. خِداوند، پِیغَمبِرونِ اِرواحِ خِدا، شه فرشته ره بَفرِسیه تا اونچی که وِنه خَله زود اِتفاق دَکِفه ره شه نوکِرونِ سِراغ هاده.»