یوحنایِ مکاشفه 21:17 - کتاب مقدس به زبان مازندرانی - گویش شرقی

¹⁷ فرشته شَهرِ دیفارِ اِندازه بَییته که آدِمیِ قیاسِ هِمراه اون دیفار، شصت و پَنج متر بییه، که فِرشتهِ قیاسِ هم این بییه.

گیله ماز

¹⁷ فِرشتِه شهرِ دیفارِ اندازِ بِیته، که آدمی یه قیاسِ هَمرَه اون دیفار شص و پنج مِتر با. که فِرشتِه یه قیاس هم این با.

کتاب مقدس به زبان مازندرانی - گویش غربی

¹⁷ فِرشتِه شهری دیفارِ اندازِ بَیتِه، گه آدمی ای قیاسی هَمرا هون دیفار شص و پنج مِتر وِه. گه فِرشتِه ای قیاس هَم هَین وِه.

یوحنایِ مکاشفه 21:17 Iomraidhean Croise

یوحنایِ مکاشفه 13:18

این حِکمَت خوانه. هر کی فَهم دارنه، بییِل تا اون وحشی جانورِ شِماره ره حِساب هاکانه، چوون که اون شماره انسانِ شماره هسه. و وه شماره شیشصد و شصت و شیش هَسه.

یوحنایِ مکاشفه 14:3

وِشون اون تَختِ روب رو و اون چهارتا زنده مَخلوق و اون پیرائه روب رو یِتا جدیدِ سرود بَخوندِسِنه. هیچ کس نَتونِسه اون سرودِ یاد بَیره، به جز اون صد و چهل و چهار هزار نَفِر که زِمینِ مَردِمِ میون اَت کَش دییه بَخری بَییه بینه.

یوحنایِ مکاشفه 21:16

شَهر مربعی شکل بییه، و وه درازا و پهنا یه اِندا بییه. فرشته اون چوِ اِندازه گیریِ هِمراه اون شَهرِ اِندازه بَییته. که دِ هزار و چهارصد کیلومتر بییه، وه درازا و پهنا و بِلِندی یه اِندا بییه.

یوحنایِ مکاشفه 21:9

بعد یِتا از اون هفتا فرشته که هفتا پیاله که هفتا آخِرین بِلائه جِم پِر بییه ره داشتِنه، بییَمو و مِ ره بااوته: «بِرو! مِن آروس، یعنی وَرهِ زِنا ره تِ ره سِراغ دِمبه.»

یوحنایِ مکاشفه 7:4

و بِشنُسِمه که مُهر بَییه هائه تعداد صد و چهل و چهار هزار نَفِر تِمومِ بنی‌اِسرائیلِ قومِ طایفه هائه جِم بییه.