یوحنایِ مکاشفه 21:12 - کتاب مقدس به زبان مازندرانی - گویش شرقی

¹² یِتا گَت و بِلِندِ دیفار داشته دِوازده تا دروازهِ هِمراه و دِوازده تا فرشته وه دروازه هائه سَر اِیست هاکارده بینه. و اون دروازههائه سَر اِسرائیلِ دِوازده طایفهِ اسم بَنوِشته بَییه بییه.

گیله ماز

¹² ایتا گَته و بُلَندِ دیفار داشتِه، دَوازده تا دَروازه یه هَمرَه، و دَوازده تا فرشته اونه دَروازِه شانه سَر ایسَبان. و اون دَروازِهایِ سَر اسرائیلِ دَوازده طایفه یه اِسم بَنوِیشتِه هَبا با.

کتاب مقدس به زبان مازندرانی - گویش غربی

¹² یَتِه گَت و بِلَنِ دیفار داشتِه، دِوازده تا دَروازه ای هَمرا، و دِوازده تا فرشته وی دَروازِه ایشونی سَر اِسّاوِنِه. و هون دَروازِهایی سَر اسرائیلی دِوازده طایفه ای اِسم بَنوِشت بَوِه وِه.

یوحنایِ مکاشفه 21:12 Iomraidhean Croise

اِنجیلِ مَتّی 18:10

«هیچ وَخت این کِچیکِ وَچونِ کِچیک نِشمارین. چوون شِما ره گامبه وِشونِ فِرِشته ها، آسِمونِ دِله هَمِش مِ آسِمونی پییِرِ دیمِ ویندِنه.

لوقا 15:10

شِما ره گامبه، همین طی، یِتا گِناهکارِ توبه هاکاردِنِ وِسه، خِدائه فرشته هائه پَلی شادی بر پا بونه.»

لوقا 16:22

سَر آخِر، اون فَقیر بَمِرده و فرشته ها وه ره ابراهیمِ پَلی بَوِردِنه. پولدارِ مَردی هَم بَمِرده و وه ره دَفن هاکاردِنه.

اعمال رَسولان 26:7

این هَمون وَعده ایِ که اَمه دِوازده تا قَبیله، امید داشتنه که اونِ به دَس بیارِن. اینِ وِسه شه دِلِ جِم شو و روز دِعا کاردِنه تا اونِ بَرِسِن. اَره، ای پادشاه، یَهودیون همین امیدِ خاطِریه که مِ ره مِتّهم کاندنه.

نامِه مَسیحینی عبرانی نِژادی سِه 1:14

مگه همهِ وِشون روح هایی نینه که خِدمت کاندِنه و اون کِسائه خِدمِتِ وِسه بَفرِسی بونِنه که نِجاتِ اِرث وَرنِنه؟

یوحنایِ مکاشفه 21:13

سه تا دروازه مشرقِ سَمت، سه تا دروازه شِمالِ سَمت، سه تا دروازه جِنوبِ سَمت و سه تا دروازه مَغربِ سَمت دَییه.

یوحنایِ مکاشفه 21:15

و اون فرشته که مِ هِمراه گَب زوئه، یِتا چو اِندازه بَزوئِنِ وِسه که طِلائه جِم بییه، شه دَسِ دِله داشته تا شَهر و دروازهها و وه دیفارا ره اِندازه بَیره.

یوحنایِ مکاشفه 21:25

اون شَهرِ دروازه ها، هیچ وَخت روزِ دِله دَوِسه نَبونِنه، و اونجه هیچ وَخت شو نَبونه.

یوحنایِ مکاشفه 22:14

خِش به حال اونایی که شه قواها ره شورنِنه تا این حَقِّ دارِن تا زندگیِ دارِ جِم بَخُرِن و بَتونِن شَهرِ دروازه ها ره دِله بورِن.