یوحنایِ مکاشفه 21:11 - کتاب مقدس به زبان مازندرانی - گویش شرقی

¹¹ خِدائه جِلالِ داشته و وه سو سو یِتا گرون و کمیابِ جواهرِ واری بییه، یشمِ واری و بلورِ واری شفاف.

گیله ماز

¹¹ خُدایِ جَلالِ داشتِه و اونه سو سو ایتا گِران و کَمیابِ جواهرِ مِثانِ با، ایتا یَشمِ مِثان و بلورِ مِثان شفاف با.

کتاب مقدس به زبان مازندرانی - گویش غربی

¹¹ خِدایی جَلالِ داشتِه و وی سو سو یَتِه گِرون و کَمیابِ جواهری تَرا وِه، هِتی یَشمی تَرا و بِلوری تَرا شفافِ.

یوحنایِ مکاشفه 21:11 Iomraidhean Croise

یوحنایِ مکاشفه 15:8

و اون مِقدَّسِ جا، خِدائه جِلال و قِوَّتِ هِمراه دیِ جِم پِر بَییه و تا اون مووقه که اون هَفتا فِرشتهِ هَفتا بِلا تِموم نَییه، هیچکس نَتونِسه اون مِقدَّسِ جائه دِله بوره.

یوحنایِ مکاشفه 22:1

بعد اون فرشته زندگیِ رودخانهِ اوه ره مِ ره سِراغ هِدا که بلورِ واری شفاف بییه و خِدا و وَرهِ تَختِ جِم سَرازیر بونِسه

یوحنایِ مکاشفه 22:5

و دییه شو نَبونه. وِشون دییه لمپا یا اِفتابِ نورِ اِحتیاج نِدارنِنه، چوون خِداوندْ خِدا وِشونِ نور بونه. و وِشون تا اَبد و تا اَبد سلطَنِت کاندِنه.

یوحنایِ مکاشفه 4:3

و اونی که نیشته بییه ئه ظاهر، یشم و عقیقِ سَنگِ واری بییه و اون تَختِ دور تا دور یِتا رنگین‌کمون دَییه که زِمرّدِ واری بییه.

یوحنایِ مکاشفه 4:6

و تَختِ جلو، یه چی دَییه که یِتا شیشه ای دریا ره موندِسه، بلورِ واری. تَختِ دور تا دور و چهارگوشه چهار تا زنده مخلوق دَیینه، و وِشونِ تَن هر طَرِف، پَس و پیش چِشِ جِم پِر بییه.