یوحنایِ مکاشفه 2:23 - کتاب مقدس به زبان مازندرانی - گویش شرقی

²³ و وه وَچونِ هِلاک کامبه. اون مووقه تِمومِ کلیساها فَهمِنِنه که مِن اونی هَسِمه که دلها و فکرا ره جستجو کامبه و هر کِدوم از شِما ره طِبق شِمه کارا عَوض دِمبه.

گیله ماز

²³ وَ اونه وَچِه شان رِه هلاک کانَم. اون موقِه تمام کلیساها فهمِنَن که مَن اونیمِ که دِلِشان و فِکرِشان رِه وامُج دَمُج کانَم و هر کُدام از شِمِرِه طبقِ شیمی کاران عوض دَنَم.

کتاب مقدس به زبان مازندرانی - گویش غربی

²³ و وی وَچِیلِه رِه هلاک کِمِّه. هون موقِه دِشتِ کلیساها فهمِنِنِه گه مِن اونیمِه گه دِلیشون و فِکرارِه دَکلاش وَکلاش کِمِّه و هر کِدیم از شمارِ طبقِ شِمِه کارا عوض دِمِه.

یوحنایِ مکاشفه 2:23 Iomraidhean Croise

اِنجیلِ مَتّی 16:27

چوون اِنسانِ ریکا شه پییِرِ جِلالِ هِمراه، فِرِشته هائه هِمراه اِنه و بعد هَر کسِ طِبقِ وه اَعمال عَوِض دِنه.

لوقا 16:15

عیسی وِشونِ بااوته: «شِما اونایی هَسِنی که شه ره مَردِمِ پَلی دِرِسکار نِشون دِنِنی، ولی خِدا شِمه دِلِ جِم خَوِر دارنه. اونچی که مَردِم، وه ره ارزش هادِن، خِدائه نَظِر ناپَسِندِ!

اِنجیلِ یوحنا 21:17

سِوّمین کَش عیسی وه ره بااوته: «ای شَمعون، یوحنائه ریکا، مِ ره دوس دارنی؟» پِطرُس از اینکه عیسی سه کَش وه جِم بَپِرسیه، «مِ ره دوس دارنی؟» نارِحَت بَییه و بااوته: «آقا، تِ همه چیِ جِم خَوِر داری؛ تِ که دوندی تِ ره دوس دارمه.» عیسی بااوته: «مِ گُسفِنا ره خِراک هاده.»

اِنجیلِ یوحنا 4:16

عیسی بااوته: «بور، شه مَردی ره صدا هاکان و بَردَگِرد.»

اعمال رَسولان 1:24

بعد این طی دِعا هاکاردِنه و بااوتِنه: «اِی خِداوند، تِ تِمومِ آدِمونِ دلِ جِم خَوِر دارنی. تِ شه اِما ره سِراغ هاده این دِتائه جِم کِدوم یِتا ره انتخاب هاکاردی

رومی ایشون 14:12

هر کِدوم از اِما شه حِسابِ خِدا ره پَس دِنه.

رومی ایشون 8:27

و وه که دلهائه دِله ره گِردِنه، روحِ فِکرِ دونده، چوون روح، طبقِ خِدائه اِراده مِقدّسینِ وِسه شِفاعت کانده.

دوّمین نامه قرنتیانِ وَسین 5:10

چوون اِما همه وِنه مَسیحِ داوِریِ تَختِ روب رو حاضر بَوویم، تا هر کی طِبق خوار و بَدِ اعمال که شه تَنِ دِله زندگی کارده، اِنجام هِدا سزا بَوینه.

غَلاطیان 6:5

چوون هر کی وِنه شه بارِ بَوِره.

نامِه مَسیحینی عبرانی نِژادی سِه 4:13

هیچ خَلق بَییه ای خِدائه چِشِ جِم جا هِدا نییه، بلکه همه چی وه چِشائه روب رو که اِما وِنه وه ره حِساب پَس هادیم، لِختِ پتی و دیارِ.

اول پِطرُس 1:17

اگه وه ره پییِر گانِنی که هر کسِ بدونِ اینکه وه جِم هواخواهی هاکانه، وه ره وه اَعمالِ جِم داوِری کانده، پَس خِدائه ترسِ هِمراه شه غریبی دورانِ سَر هاکانین،

یوحنایِ مکاشفه 2:11

«اون که گوش دارنه بِشنُئه که خِدائه روح کلیساها ره چی گانه. هر کی که پیروز بَووه، دوّمین مَرگِ جِم بِلایی وه سَر نِننه.

یوحنایِ مکاشفه 2:7

«اون که گوش دارنه بِشنُئه که خِدائه روح کلیساها ره چی گانه. هر کی که پیروز بَووه، اینِ وه ره بَخشِمبه تا زندگیِ دارِ میوهِ جِم که خِدائه بهشتِ دِله دَره، بَخُره.

یوحنایِ مکاشفه 20:12

و مِرده ها ره بَدیمه، گَت تا کِچیک، اون تَختِ روب رو اِیست هاکارده بینه. و دفتِرها واز بَینه. بعد یِتا دییه دفتِر واز بَییه که حیاتِ دفتِر بییه و مِرده ها اون چیائه هِمراه که اون دفتِرهائه دِله بَنوِشته بَییه بییه و طِبق اونچی که هاکارده بینه، داوِری بَینه.

یوحنایِ مکاشفه 20:13

دریا مِرده هایی که شه دِله داشته ره پَس هِدا؛ مَرگ و مِرده هائه دِنیا، اون مِرده هایی که شه دِله داشتِنه ره پَس هِدانه، و هر کِدوم طِبق کارایی که اِنجام هِدا بینه، داوِری بَینه.

یوحنایِ مکاشفه 22:12

«هارِش، خَله زود اِمبه و شه اون پاداشِ که وِنه هادِمِ شه هِمراه یارمه تا هر کسِ طبقِ اونچی که هاکارده عَوض هادِم.

یوحنایِ مکاشفه 6:8

و مِن بَدیمه و هارِش، یِتا رنگ و رو بوِرده اسب بییه و اون کسِ اسم که اسبِ سَر سِوار بییه، مَرگ بییه و مِرده هائه دِنیا وه دِمبال اییَمو. و وِشونِ اقتدار هِدا بَییه تا زمینِ یه چهارم شمشیر و قحطی و کُشندهِ مرض و زمینِ وحشیِ جانورونِ هِمراه بَکوشِن.