یوحنایِ مکاشفه 2:21 - کتاب مقدس به زبان مازندرانی - گویش شرقی

²¹ وه ره مهلت هِدامه تا تووبه هاکانه، ولی وه نِخوانه که شه بی عفتیِ جِم تووبه هاکانه.

گیله ماز

²¹ اونه مُهلَت هَدَم که توبِه هَکونه، وَلی اون نَخَنِه که خودشه بی عفتی یه جی توبه هَکونه.

کتاب مقدس به زبان مازندرانی - گویش غربی

²¹ وِرِه مِهلَت هادامِه گه توبِه هاکِنِه، ولی وی نَخواینِه گه شی بی عفتی ای جا توبه هاکِنِه.

یوحنایِ مکاشفه 2:21 Iomraidhean Croise

رومی ایشون 9:22

چی بونه بااوتِن اگه خِدا با اینکه خوانه شه غِیظِ سِراغ هاده و شه قِدِّ بِشناسِنه، ظرفایی ره که اونائه سَر غِیظ هاکارده و هِلاکتِ وِسه آماده بَینه ره خَله صبر هِمراه تِحَمُّل هاکانه،

اول پِطرُس 3:20

چوون اون اِرواح که قدیم نَدیما نااِطاعتی هاکارده بینه، اون مووقه که خِدا نوحِ روزگارِ دِله، که دَییه کَشتی بِساته بونِسه، صبرِ هِمراه اِنتِظار کَشیه. اون کَشتیِ دِله فِقَط چَن تا آدِم، یعنی هشت نَفِر دَینه که اوهِ طَریقِ جِم نِجات بَییتِنه.

پطرسی دِوّمین نامِه 3:15

و اَمه خداوندِ صبرِ، نِجات بَدونین، هَمون‌ طی که اَمه عزیزِ بِرار پولُس هم طِبق اون حکمتی که وه ره هِدا بَییه، شِمه وِسه بَنوِشته.

پطرسی دِوّمین نامِه 3:9

برخلاف بَعضیائه گَمون، خِداوند شه وعدهِ انجام هِدائنِ‌ دِله دیر نَکانده، ولی این طی نییه، بلکه شِمه هِمراه صَبورِ، چوون نِخوانه هیچ کس هِلاک بَووه بلکه خوانه همه تووبه هاکانِن.

یوحنایِ مکاشفه 16:11

و شه دردها و زخم هائه خاطِری، آسمونِ خِدا ره لعنِت کاردِنه، وِشون شه کارائه جِم تووبه نَکاردِنه.

یوحنایِ مکاشفه 16:9

و مَردِم گرمائه حرارتِ جِم بَسوتِنه و خِدائه اسم، که این بِلاهائه قِدرَتِ دارنه ره لعنت هاکاردِنه، وِشون تووبه نَکاردِنه و وه ره جِلال نِدانه.