یوحنایِ مکاشفه 18:9 - کتاب مقدس به زبان مازندرانی - گویش شرقی

⁹ و زِمینِ پادشاهون که وه هِمراه زنا هاکاردِنه و وه هِمراه تِجِمّلاتِ دِله زندگی هاکاردِنه، وَختی وه بَسوتِنِ دی ره بَوینِن، وه وِسه شیون و زاری کاندِنه و وه وِسه عزا گِرنِنه.

گیله ماز

⁹ وَ زمینِ پادشاهان که اونه هَمرَه زَنا هَکُردَن و اونه هَمرَه تجمّلاتِ دِلِه زندگی هَکُردَن، وختی اونه بَسوتَنِ دود رِه بِینَن، اونه وَسین شیوَن و زاری کانَن و اونه وَسین عزا گیرنَن.

کتاب مقدس به زبان مازندرانی - گویش غربی

⁹ و زَمینی پادشاهِن گه وی هَمرا زِنا هاکِردِنِه و وی هَمرا تَجَمِّلاتی دِلِه زندگی هاکِردِنِه، وختی وی بَسوتَنی دی رِه بَوینِن، ویسِه شیوَن و زاری کِنِنِه و ویسِه عزا گیرِنِه.

یوحنایِ مکاشفه 18:9 Iomraidhean Croise

اول تیموتائوس 5:11

ولی جوون ترِ بیوه‌زَن هائه اسمِ نَنویس، چوون وَختی که وِشونِ هِوا و هَوس، وِشونِ مَسیحِ جِم دور هاکانه، خوانِنه شی هاکانِن.

یوحنایِ مکاشفه 14:11

و وِشونِ عِذابِ دی تا اَبد و تا اَبد بالا شونه. و اونایی که اون وحشی جانور و وه مجسمه ره پَرَسِش کاندِنه و هر کس که وه اسمِ علامِتِ قبول کانده، نا روزِ دِله آسایش دارنه و نا شوِ دِله.»

یوحنایِ مکاشفه 17:2

وه که زِمینِ پادشاهون وه هِمراه زِنا هاکاردِنه و اونایی که زِمینِ سَر دَرِنه وه زِناکاریِ شِرابِ جِم مَست بَینه.»

یوحنایِ مکاشفه 18:18

و هَمون مووقه که وه بَسوتِنِ دی ره بَدینه داد بَزونه و بااوتِنه: «کِدوم شَهر این گَتِ شَهرِ واری بییه؟»

یوحنایِ مکاشفه 18:20

ای آسِمون وه وِسه ذوق هاکان! ای مِقدّسین و پِیغَمبِرون و رَسولون وه وِسه ذوق هاکانین! چوون خِدا شِمه تَقاصِ وه جِم بَییته.»

یوحنایِ مکاشفه 18:3

چوون وه هرزگیِ هِوا و هوسِ شِرابِ جِم تِمومِ مِلّت ها بَخُردِنه. و زِمینِ شاهون وه هِمراه زِنا هاکاردِنه، و زِمینِ تاجِرون وه زیادِ تجمّلاتِ جِم پولدار بَینه.»

یوحنایِ مکاشفه 18:7

هَمون اِندا که شه ره جِلال هِدا و تِجَمّلاتِ دِله زندگی هاکارده هَمون اِندا وه ره عِذاب و شیون هادین. چوون شه دلِ دِله گانه، ”مِن این طی یِتا مَلِکهِ واری نیشتِمه. بیوه نیمه و هیچ وَخت شیون نَکامبه.“

یوحنایِ مکاشفه 19:3

و اَت کَش دییه داد بَزونه: «هَلِلویاه! اون شَهرِ جِم تا اَبد و تا اَبد دی بِلِند بونه.»

یوحنایِ مکاشفه 2:22

هارِش، مِن وه ره ناخِشیِ لائه دِله دِم دِمبه و اونایی که وه هِمراه زِنا کاندِنه ره یِتا گَتِ مصیبتِ دِله دِم دِمبه، مگه اینکه وه کارائه جِم تووبه هاکانِن.