یوحنایِ مکاشفه 17:7 - کتاب مقدس به زبان مازندرانی - گویش شرقی

⁷ ولی فرشته مِ ره بااوته: «چه اَنده تَعجِّب هاکاردی؟ مِن اون زِنائه راز و اون وحشی جانورِ رازِ که هفتا کَلّه و ده تا شاخ دارنه و زِنا وه سَر سِوارِ ره تِ وِسه گامبه.

گیله ماز

⁷ ولی فِرِشته مَرِه باَگوته: «چرا اِنقَدَر تَعَجُب هَکُردی؟ مَن اون زِنایِ راز و اون وحشی جانِوَر راز که هفتا کَلِّه و ده تا شاخ دارِه و زِنا اونه سَر سَوارِه رِه، تی وَسین گونَم.

کتاب مقدس به زبان مازندرانی - گویش غربی

⁷ ولی فِرِشته مِنِه بُتِه: «چه اَنّی تَعَجِب هاکِردی؟ مِن هون زَنایی راز و هون وحشی جانِوَری راز گه هفتا کَلِّه و ده تا شاخ دارنِه و زَنا وی سَر سِوارِه رِه، تیسِه گِمِه.

یوحنایِ مکاشفه 17:7 Iomraidhean Croise

دوّم تِسالونیکیان 2:7

چوون این بی‌دینیِ راز همین اَلان هم دَره کار کانده، فِقَط تا مووقه ای که، اونی که تا اَلان وه دَمِ گِرنه، از بین بوره.

یوحنایِ مکاشفه 1:20

اون هفتا ستاره که مِ راسِ دَسِ دِله بَدیئی و اون هفتا طِلا لمپا پایهِ راز اینِ: اون هفتا ستاره، هفتا کلیسائه فرشته هانه، و اون هفتا لمپا، هفتا کلیسانه.

یوحنایِ مکاشفه 12:3

بعد یِتا دییه نشونه آسمونِ دِله ظاهر بَییه: هارِش یِتا گَتِ سِرخِ اژدِها که هَفتا کلّه و دَه تا شاخ داشته، و وه کلّه هائه سَر هفتا تاج دَییه.

یوحنایِ مکاشفه 17:8

اون وحشی جانور که بَدی ای، دَییه، اَلان دییه دَنییه، و خَله زود هاویهِ چاهِ جِم بیرون اِنه و هِلاکتِ سَمت شونه. و اونایی که زِمینِ سَر دَرِنه که وِشون اسم از مووقه ای که دِنیا خَلق بَییه حیاتِ دفترِ دِله بنوشته نَییه، اون وحشی جانور بَدیئِنِ جِم تعجِّب کاندِنه، چوون وه دَییه، اَلان دَنییه، و خَله زود اِنه.

یوحنایِ مکاشفه 18:1

بعد بَدیمه یِتا دییه فرشته‌ آسمونِ جِم دَره جِر اِنه. که یِتا گَتِ اِقتدار داشته و زِمین وه جِلالِ هِمراه نورانی بَییه.