یوحنایِ مکاشفه 17:3 - کتاب مقدس به زبان مازندرانی - گویش شرقی

³ اون فرشته خِدائه روحِ دِله مِ ره صحرا بَوِرده. اونجه یِتا زِنا ره بَدیمه که یِتا سِرخِ وحشی جانورِ سَر سِوار بییه، اون جانورِ تَن، کفرآمیزِ اِسم هائه هِمراه دَپوشی بییه، و هفتا کلّه و ده تا شاخ داشته.

گیله ماز

³ اون فِرشتِه خُدایِ روحِ دِلِه مَرِه صَحرا بَبِرده. اوجِه ایتا زِنا رِه بَدییَم که ایتا سُرخِ وحشی جانِوَر سَر سَوار با. اون جانِوَر تَن، کُفرآمیزِ اِسمهایِ هَمرَه بَپوشانیه با، و هفتا کَلِّه و دَه تا شاخ داشتِه.

کتاب مقدس به زبان مازندرانی - گویش غربی

³ هون فِرشتِه خِدایی روحی دِلِه مِنِه صَحرا بَوِردِه. اوجِه یَتِه زَنا رِه بَئیمِه گه یَتِه سِرخِ وحشی جانِوَری سَر سِوار وِه. هون جانِوَری تَن، کِفرآمیزِ اِسمهایی هَمرا بَپوشانی وِه، و هفتا کَلِّه و دَه تا شاخ داشتِه.

یوحنایِ مکاشفه 17:3 Iomraidhean Croise

اِنجیلِ مَتّی 27:28

بعد وه لِواسِ وه تَنِ جِم بَکِندینه و یِتا اَرغوونی قَوا وه دوشِ سَر دِم هِدانه

اعمال رَسولان 8:39

وَختی اوه جِم بیرون بییَمونه، یهویی خِدائه روح فیلیپُسِ بَییته و بَوِرده و خواجه‌ دییه وه ره نَدیئه، و خِشالیِ هِمراه شه راه ره بورده.

دوّم تِسالونیکیان 2:4

وه هر چیِ هِمراه که خِدا بااوته بونه یا پرسِش بونه، مخالفت کانده و شه ره وِشونِ جِم سَرتر دونده، جوری که خِدائه مَعبِدِ دِله نیشِنه و اِعلام کانده که شه خِدائه.

یوحنایِ مکاشفه 1:10

خِداوندِ روزِ دِله، خِدائه روحِ جِم پِر بَیمه و یِتا بِلِندِ صِدا، شیپورِ صِدائه واری شه دِمبالِ سَر بِشنُسِمه

یوحنایِ مکاشفه 12:14

ولی اون گَتِ عقابِ دِتا بال، اون زِنا ره هِدا بَییه تا اون جایی که صَحرائه دِله وه وِسه فراهم بَییه بییه پرواز هاکانه و اونجه، مَرِ جِم دور بَمونه، زِمونی و زِمونهایی و نصفِ ‌زِمونی وه ره دارِن.

یوحنایِ مکاشفه 12:3

بعد یِتا دییه نشونه آسمونِ دِله ظاهر بَییه: هارِش یِتا گَتِ سِرخِ اژدِها که هَفتا کلّه و دَه تا شاخ داشته، و وه کلّه هائه سَر هفتا تاج دَییه.

یوحنایِ مکاشفه 12:6

و اون زِنا صَحرائه سَمت بورده، اون جایی که خِدا وه وِسه فِراهم هاکارده بییه، دَر بورده تا اونجه هزار و دویست و شصت روز وه ره دارِن.

یوحنایِ مکاشفه 17:18

و اون زِنا که بَدیئی هَمون گَتِ شَهرِ که زِمینِ پادشاهونِ سَر حکومت کانده.»

یوحنایِ مکاشفه 17:4

اون زِنا یِتا سِرخ و اَرغِوونی لِواس شه تَن داشته که طِلا و جِواهر و مِرواریدِ هِمراه بَزِک بَییه بییه. و یِتا پیاله، طِلائه جِم شه ‌دَس داشته که وه زِنائه زشتی ها و ناپاکی هائه جِم پِر بییه.

یوحنایِ مکاشفه 18:12

یعنی بارِ، طِلا و نِقره و جواهرات و مِروارید؛ گرونِ نازِکِ کتون و ابریشم و اَرغِوون و سِرخِ حریرِ بار؛ جور واجورِ عطردارِ چو و جورواجورِ ظرفهائه بار و جورواجورِ عاج ها و جورواجورِ گِرونِ چویی ظَرف ها و مفرق و آهن و مرمرِ بار؛

یوحنایِ مکاشفه 18:16

گانِنه: «وای وای! ای گَتِ شَهر، که لِواسِ نازِکِ کَتونِ پارچه هائه جِم که اَرغِوونی و سِرخ بییه دَپوشیئی، طِلا و جِواهر و مِرواریدِ هِمراه بَزِک بَئی!

یوحنایِ مکاشفه 21:10

و وه، خِدائه روح دِله مِ ره یِتا گَت و بِلِندِ کوهِ سَر بَوِرده و اورشَلیمِ مِقدَّسِ شَهرِ مِ ره سِراغ هِدا که آسمونِ جِم خِدائه وَرِ جِم دَییه جِر اییَمو.

یوحنایِ مکاشفه 4:2

هَمون لَحظه خِدائه روحِ جِم پِر بَیمه و یِتا تخت آسمونِ دِله بَدیمه که یه نَفِر اون تَختِ سَر نیشته بییه.