یوحنایِ مکاشفه 17:18 - کتاب مقدس به زبان مازندرانی - گویش شرقی

¹⁸ و اون زِنا که بَدیئی هَمون گَتِ شَهرِ که زِمینِ پادشاهونِ سَر حکومت کانده.»

گیله ماز

¹⁸ وَ اون زِنا که بِدیِیَی همون گَتِ شَهرِ، که زمینِی پادشاهانِ سَر حِکومت کانه.»

کتاب مقدس به زبان مازندرانی - گویش غربی

¹⁸ و هون زَنا گه بَئی هَمون گَتِ شَهرِ، گه زَمینی پادشاهِنی سَر حِکومت کِنِّه.»

یوحنایِ مکاشفه 17:18 Iomraidhean Croise

لوقا 2:1

اون روزائه دِله، آگوستوس که رومِ امپراطور بییه دَستور هِدا تا همه اونایی که رومِ امپراطوریِ دِله زندگی کاردِنه سرشِماری بَووِن.

یوحنایِ مکاشفه 11:8

و وِشونِ جِنازه ها ره اون گَتِ شَهرِ جادّهِ دِله که ‌کنایهِ وار سُدوم و مصرِ گانِنه، زِمینِ سَر موندِنه؛ اونجه که وِشونِ خِداوند مصلوب بَییه.

یوحنایِ مکاشفه 12:4

شه دِم هِمراه آسِمونِ ستاره هائه یه سِوّمِ جَمع هاکارده و زِمینِ سَر دَشِندیه. اژدها اون زِنائه روب رو که دییه خواسه بِزائه، اِیست هاکارده، تا همین که وه وچه دِنیا بییَمو، اونِ بِبَلعه.

یوحنایِ مکاشفه 16:19

گَتِ شَهر سه تا تیکه بَییه و ملّتهائه شهرا له بوردِنه. و خِدا اون گَتِ بابِلِ شه‌یاد بیارده و یِتا شرابِ پیاله، که شه غَضِبِ تَشِ جِم پِر بییه، وه ره هِدا بَخُره.

یوحنایِ مکاشفه 18:2

یِتا بِلِندِ صِدائه هِمراه داد بَزو که: «له بورده! گَتِ بابِل له بورده! اون دیوهائه سِره بَییه! و هر ناپاکِ اِرواحِ مَقَر، و هر ناپاک پَرِندهِ کِلی و هر وحشی جانورِ کِلی که ناپاک و نفرت انگیزِ.