یوحنایِ مکاشفه 16:18 - کتاب مقدس به زبان مازندرانی - گویش شرقی

¹⁸ آسِمونِ برق و رَد بِلِند بَییه، و یِتا گَتِ زلزله‌ اِتّفاق دَکِته، اون طی گَتِ زلزله که وه واری از اون مووقه که آدِم زِمینِ دِله دَییه، تا اَلان اِتّفاق نَکِته بییه.

گیله ماز

¹⁸ و آسمانِ برق و راَد وَرِسَه، و ایتا گَتِ زِلزِلِه اتّفاق دَکِته، اونجور گَتِه زِلزِلِه که اونه مِثان از اون موقه که آدم زَمینِ دِلهِ دَبا، تا اَلآن اتّفاق نَکِته با.

کتاب مقدس به زبان مازندرانی - گویش غربی

¹⁸ و آسمونی اَلب و راد پِرِسا، و یَتِه گَتِ زِلزِلِه اِتِّفاق دَکِتِه، اونجور گَتِه زِلزِلِه گه وی تَرا از هون موقه گه آدم زَمینی دِلِه دَوِه، تا اَلَن اِتِّفاق نَکِت وِه.

یوحنایِ مکاشفه 16:18 Iomraidhean Croise

اِنجیلِ مَتّی 24:21

چوون که اون مووقه مَردِم به اون طی مُصیبَتی دِچار بونِنه که دِنیا تا بِحال اونِ نَدیئه و هیچ وَخت هم نَوینده

یوحنایِ مکاشفه 11:13

و هَمون ساعت، یِتا گَتِ زلزله‌ بییَمو و شَهرِ یه دهم له بورده و هَفت هزار نَفِر اون زلزلهِ دِله بَکوشته بَینه و اونایی که زنده بَمونِسنه خَله بَتِرسینه و آسمونِ خِدا ره جِلال هِدانه.

یوحنایِ مکاشفه 11:19

بعد خِدائه معبد آسمونِ دِله واز بَییه؛ و خِدائه عَهدِ صَندِق وه مَعبِدِ دِله دیار بَییه؛ و یهویی آسِمونِ برق و رَعد و گَتِ صِدا و زلزله و تِندِ تَگِرگ بییه که اییَمو.

یوحنایِ مکاشفه 4:5

تَختِ جِم، برق و گَتِ صِدا و رَعد اییَمو. هفتا روشنِ مشعل تَختِ جلو دَییه. که خِدائه هفتا روحِنه.

یوحنایِ مکاشفه 6:12

و وَختی که وره شیشمین مُهرِ بِشکِسه، مِن بَدیمه و هارِش، یِتا گَتِ زلزله بییَمو و اِفتاب پِلاسِ واری سیو بَییه، و کاملِ ماه، خونِ رنگ بَییه.

یوحنایِ مکاشفه 8:5

بعد فرشته بخورسوزِ بَییته و قِروونگاهِ تشِ جِم پِر هاکارده و زِمینِ سَر دِم بِدا. رعدِ صِدا و برقی که آسِمونِ دِله زوئه و زلزله بییَمو.