یوحنایِ مکاشفه 13:7 - کتاب مقدس به زبان مازندرانی - گویش شرقی

⁷ و این هم وه ره اِجازه هِدا بَییه که مقدّسینِ هِمراه جَنگ هاکانه و اونائه سَر پیروز بَووه؛ و وه ره اقتدار هِدا بَییه تا هر طایفه، مردِم، زِوون و قوم سَر حاکم بوئه.

گیله ماز

⁷ و این هم، اونه اِجازه هَدَه هَبا که مُقدّسینِ هَمرَه بَجِنگِه و اوشانه سَر پیروز هَبو؛ و اونه اقتدار هَدَه هَبا تا هر طایفه، مَردُم، زبان و قومِ سَر حاکِم هَبو.

کتاب مقدس به زبان مازندرانی - گویش غربی

⁷ و هین هَم، وِرِه اِجازه هادا بَوِه گه مِقدّسینی هَمرا جنگ هاکِنِه و اونانی سَر پیروز بَوو؛ و وِرِه اقتدار هادا بَوِه تا هر طایفه، مَردِن، زِوون و قومی سَر حاکِم ووئه.

یوحنایِ مکاشفه 13:7 Iomraidhean Croise

لوقا 4:6

و بااوته: «مِن تِمومِ قِدرَت و تِمومِ اینائه شِکوه و جِلالِ تِ ره بَخشِمبه، چوون که اینائه اختیار مِ ره هِدا بَییه و مِن تومبه اونِ هر کسِ بِخوام هادِم.

اِنجیلِ یوحنا 19:11

عیسی بااوته: «اگه خِدا، این اِختیارِ تِ ره نِدا بییه تِ هیچ اِختیاری مِ سَر نِداشتی؛ اینِ وِسه، اونی که مِ ره تِ تَحویل هِدا، وه گِناه ویشتَرِ.»

یوحنایِ مکاشفه 10:11

مِ ره بااوتِنه: «تِ وِنه اَت کَش دییه یَته خَله قوم ها و یَته خَله ملّتها و یَته خَله زِوون ها و یَته خَله پادشاهونِ خَوِری نبِوّت هاکانی.»

یوحنایِ مکاشفه 11:18

و مِلّت ها عصِبانی بَینه، ولی تِ غَضِب بَرِسیه، مِرده هائه داوِریِ روز بَرِسیه، و اون مووقه بَرِسیه که تِ خادِمون، پیغمبِرون، مقدّسین و اونایی که تِ اسمِ حِرمتِ دارنِنه، از گَت تا کِچیک، پاداش دِنی و نابود کاندی اونایی که زِمینِ نابود هاکارِدنه.»

یوحنایِ مکاشفه 11:7

وَختی که وِشون شه شِهادتِ تِموم هاکاردِنه، اون وحشی جانور که هاویهِ چاهِ جِم بیرون اِنه، وِشونِ هِمراه جَنگ کانده و وِشونِ سَر حَریف بونه و وِشونِ کُشِنه.

یوحنایِ مکاشفه 12:17

بعد اژدها زِنائه سَر غیظ هاکارده و بورده تا وه بَقیه نَسلِ هِمراه جَنگ هاکانه؛ یعنی اونایی هِمراه که خِدائه اَحکامِ جِم اِطاعت کاندِنه و عیسیِ شِهادتِ قایم چَسبِنِنه.

یوحنایِ مکاشفه 17:15

و اون فرشته مِ ره بااوته: «اون اوه ها که بَدیئی، اون جایی که فاحشه نیشته، وِشون هَمون قومها و جماعتها و ملّتها و زِوون ها هَسِنه.

یوحنایِ مکاشفه 5:9

و وِشون یِتا جدید سرود بَخوندِسِنه که گاته: «تِ لیاقت دارنی که طومارِ بَیری و وه مُهرها ره بِشکِنی، چوون که قِروونی بَئی و شه خونِ هِمراه مَردِمِ هر طایفه و زِوون و قوم و ملَّت، خِدائه وِسه بَخری ای؛