یوحنایِ مکاشفه 13:3 - کتاب مقدس به زبان مازندرانی - گویش شرقی

³ یِتا از اون وحشی جانورِ کلّه ها اِنگاری یِتا کُشنده زَخم بَییته بییه، ولی اون کُشنده زخم خوار بَییه بییه و تِمومِ زِمین بِهت هاکاردِنه و اون وحشی جانورِ جِم پیروی هاکاردِنه.

گیله ماز

³ ایتا ازاون وحشی جانِوَر کَلِّه ها، اِنگار ایتا کُشنده زَخم بِیته با، وَلی اون کُشندِه زخم خوب هَبا با و تمام زمین بُهت هَکُردَن و اون وحشی جانِوَر جی پیروی هَکُردن.

کتاب مقدس به زبان مازندرانی - گویش غربی

³ یَتِه از هون وحشی جانِوَری کَلِّه ها، انگار یَتِه کِشنده زَخم بَئیت وِه، ولی هون کِشندِه زخم خِب بَوِه وِه و دِشتِه زمین بِهت هاکِردِنِه و هون وحشی جانِوَری جا پیروی هاکِردنِه.

یوحنایِ مکاشفه 13:3 Iomraidhean Croise

لوقا 2:1

اون روزائه دِله، آگوستوس که رومِ امپراطور بییه دَستور هِدا تا همه اونایی که رومِ امپراطوریِ دِله زندگی کاردِنه سرشِماری بَووِن.

اِنجیلِ یوحنا 12:19

پَس عُلِمائه فِرقه فریسی هَمدییه ره بااوتِنه: «ویندِنی دییه اَمه دَس کاری بَر نِنّه؛ هارِشین تِمومِ دِنیا وه دِمبال بُوردِنه.»

اعمال رَسولان 8:13

حَتَّی شَمعون هم ایمون بیارده و بعد از اینکه تَعمید بَییته هَمِش فیلیپُسِ هِمراه دَییه و گَتِ معجزات و نشونه هائه بَدیئِنِ جِم که اِنجام بونِسه، مات و مبهوت بییه.

یوحنایِ مکاشفه 13:12

وه، اَوِّلین وحشی جانورِ تِمومِ اِقتدارِ وه عَوِض به کار گِته و زِمین و اونایی که زِمینِ سَر دَرِنه ره مجبور کارده که اَوِّلین وحشی جانورِ که وه کُشنده زخم خوار بَییه ره پَرَسِش هاکانِن.

یوحنایِ مکاشفه 13:14

و اون نشونه ها و معجزاتِ خاطِری که اِجازه داشته اون اَوِّلین وحشی جانورِ عَوِض به کار بَیره، اونایی که زِمینِ سَر دَینه ره گول بَزو و وِشونِ بااوته یِتا مجسمه اون وحشی جانورِ جِم بَسازِن که شَمشیرِ هِمراه زَخمی بَییه، ولی با این وجود زنده بَمونِسه.

یوحنایِ مکاشفه 17:10

که هفتا پادِشاهِنه که وِشونِ جِم پَنج نَفِر از بین بوردِنه، و یِتا دَره و یِتا از وِشون هَمتی نییَمو؛ و اون مووقه که بِیّه، وِنه بَمونه ولی یه مدّتِ کم.

یوحنایِ مکاشفه 17:11

اون وحشی جانور که دَییه و اَلان دَنیه، هَشتمین پادشاهِ. وه هم هَمون هَفت نَفِرِ شِنه و هِلاکتِ سَمت شونه.

یوحنایِ مکاشفه 17:13

وِشون همه یِتا فکر دارنِنه و شه قِدرَت و اِقتدارِ اون وحشی جانورِ دِنِنه.

یوحنایِ مکاشفه 17:17

چوون که خِدا وِشونِ دلِ دِله بییِشته تا وه خواسه ره به جا بیارِن و هم فکر بوئِن تا شه سلطنتِ قِدرتِ ‌اون وَحشی جانورِ دَس بِسپارِن، تا خِدائه کِلام اِنجام بَووه.

یوحنایِ مکاشفه 17:6

و بَدیمه که اون زِنا مقدّسینِ خون و اونایی که عیسیِ خاطِری شهید بَینهِ خونِ هِمراه مَسِّ. همین که زِنا ره بَدیمه خَله تَعجِّب هاکاردِمه.

یوحنایِ مکاشفه 17:8

اون وحشی جانور که بَدی ای، دَییه، اَلان دییه دَنییه، و خَله زود هاویهِ چاهِ جِم بیرون اِنه و هِلاکتِ سَمت شونه. و اونایی که زِمینِ سَر دَرِنه که وِشون اسم از مووقه ای که دِنیا خَلق بَییه حیاتِ دفترِ دِله بنوشته نَییه، اون وحشی جانور بَدیئِنِ جِم تعجِّب کاندِنه، چوون وه دَییه، اَلان دَنییه، و خَله زود اِنه.