یوحنایِ مکاشفه 13:13 - کتاب مقدس به زبان مازندرانی - گویش شرقی

¹³ دِوّمین وحشی جانور گَتِ نشونه ها و معجزات نِمایِش بییِشته، جوری که حَتَّی مَردِمِ چِشِ جلو، آسِمونِ جِم، تش، زِمینِ سَر بیارده.

گیله ماز

¹³ دُوّمین وحشی جانِوَر گَتِه نِشانه ها و معجزات نَمایش بَنَه، جوریکه حتّی مَردُمانِ چِشِ پِیش آسِمانِ جی تَش زَمینِ سَر بیاردِه.

کتاب مقدس به زبان مازندرانی - گویش غربی

¹³ دِوّمین وحشی جانِوَر گَتِه نِشونِه ها و معجزات نِمایش بِشتِه، جوریگه حتّی مَردِنی چِشی پِش آسِمونی جا تَش زَمینی سَر بیاردِه.

یوحنایِ مکاشفه 13:13 Iomraidhean Croise

اِنجیلِ مَتّی 16:1

عُلِمائه فِرقه فَریسی و عُلِمائه فِرقه صَدوقی، عیسیِ پَلی بییَمونه تا وه ره آزمود هاکانِن. عیسی جِم بَخواسِنه تا یِتا آسِمونی نِشونه وِشونِ وِسه بیاره.

اِنجیلِ مَتّی 24:24

چوون که خَیلیا اِنِنه و دِراغی اِدعا کاندِنه که اِما مَسیحِ موعود و پِیغَمبَرِمی و گَت گَتِ معجِزه و کارائه عجیب هم کاندِنه تا اگه بَووه حَتَّی اِنتخاب بَییه ها ره هم گُمراه هاکانِن.

مَرقُس 13:22

چوون خَیلیا اِنِنه و دِراغی ادعا کاندِنه که اِما مَسیحِ موعود و پِغمبَرِمی و عجیبِ کارا و معجِزه ها کاندِنه تا اگه بَووه، انتخاب بَییهِ ها ره از راه به در هاکانِن.

دوم تیموتائوس 3:8

هَمون‌ طی که یَنّیس و یَمْبْریس موسیِ هِمراه مخالفت هاکاردِنه، این مردها هم که وِشونِ فکر خِرابِ و وِشونِ ایمون رَدِّ، حَییقَتِ هِمراه مخالفت کاندِنه.

یوحنایِ مکاشفه 11:5

اگه کِسی بِخوائه وِشونِ صَدِمه بَزِنه، وِشونِ دِهونِ جِم تَش بیرون اِنه و وِشونِ دِشمِنونِ سوزِندِنه و کِلین کانده. پَس اَگه یه نَفِر بِخوائه وِشونِ صَدِمه بَزِنه، وِنه این طی بَکوشته بَووه.

یوحنایِ مکاشفه 16:14

چوون اینا دیوهائه اِرواحِنه که نشونه و معجزات یارنِنه و تِمومِ دِنیائه پادشاهونِ پَلی شونِنه تا وِشونِ، خِدائه قادرِ مطلقِ گَتِ روزِ دِله جنگِ وِسه جَمع هاکانِن.

یوحنایِ مکاشفه 19:20

اون وحشی جانور گرفتار بَییه و وه هِمراه اون دِراغی پِیغَمبِر که اون وحشی جانورِ پیش نشونه ها و معجزات اِنجام دائه تا اونا ره گول بَزِنه که اون وحشی جانورِ علامتِ قبول هاکارده بینه و وه مِجَسمه ره پَرِسش کاردِنه. وِشون هر دِتا، زِنده زِنده تَش دریاچهِ دِله که گوگردِ هِمراه سوزِنه، دِم هِدا بَینه.

یوحنایِ مکاشفه 20:9

و وِشون زِمینِ گَتِ دَشتِ سَر پیش بوردِنه و مقدّسینِ اردوگاه، و اون عزیزِ شَهرِ دور هاکاردِنه، ولی آسمونِ جِم تش جِر بییَمو و وِشونِ نابود هاکارده.