یوحنایِ مکاشفه 13:11 - کتاب مقدس به زبان مازندرانی - گویش شرقی

¹¹ بعد یِتا دییه وحشی جانور بَدیمه که زِمینِ جِم بیرون اِنه. دِتا شاخ وَرهِ واری داشته و اژدهائه واری گَب زوئه.

گیله ماز

¹¹ ایما ایتا دیگه وحشی جانِوَر بَدییَم که زمینِ جی دِرگا هَنه. دُتا شاخ وَرِّه یه مِثان داشتِه و اژدهایِ مِثان گَب زنه با.

کتاب مقدس به زبان مازندرانی - گویش غربی

¹¹ اَزما یَت دییَر وحشی جانِوَر بَئیمِه گه زَمینی جا دیرگا اِنِه. دِتا شاخ هِتی وَرکایی تَرا داشتِه و اژدهایی تَرا گَب زووِه.

یوحنایِ مکاشفه 13:11 Iomraidhean Croise

اِنجیلِ مَتّی 7:15

«دِراغی پِیغَمبِرونِ جِم دوری هاکانین كه گُسفِن جِمهِ دِله شِمه پَلی اِنِنه، ولی شه باطنِ دِله درنده وِرگِ نه.

رومی ایشون 16:18

چوون این‌طی آدِمون اَمه خِداوند مَسیحِ، خِدمِت نَکاندِنه، بلکه شه اِشکمِ سیر هاکاردِنِ دِمبال دَرِنه و قَشنگِ گَب ها و چاپلوسیِ هِمراه ساده آدِمونِ گول زَندِنه.

دوّم تِسالونیکیان 2:4

وه هر چیِ هِمراه که خِدا بااوته بونه یا پرسِش بونه، مخالفت کانده و شه ره وِشونِ جِم سَرتر دونده، جوری که خِدائه مَعبِدِ دِله نیشِنه و اِعلام کانده که شه خِدائه.

یوحنایِ مکاشفه 11:7

وَختی که وِشون شه شِهادتِ تِموم هاکاردِنه، اون وحشی جانور که هاویهِ چاهِ جِم بیرون اِنه، وِشونِ هِمراه جَنگ کانده و وِشونِ سَر حَریف بونه و وِشونِ کُشِنه.

یوحنایِ مکاشفه 12:17

بعد اژدها زِنائه سَر غیظ هاکارده و بورده تا وه بَقیه نَسلِ هِمراه جَنگ هاکانه؛ یعنی اونایی هِمراه که خِدائه اَحکامِ جِم اِطاعت کاندِنه و عیسیِ شِهادتِ قایم چَسبِنِنه.

یوحنایِ مکاشفه 13:1

بعد بَدیمه یِتا وحشیِ جانور دریائه جِم بیرون اِنه. ده تا شاخ و هفتا کلّه داشته، ده تا تاج وه شاخهائه سَر دَییه؛ و وه هر کلّهِ سَر یِتا کفرآمیزِ اسم بَنوِشته بَییه بییه.

یوحنایِ مکاشفه 13:17

تا هیچ کس نَتونه بَخرینه یا بَروشه، به جز اونی که اون علامت، یعنی اون وحشی جانورِ اسم، یا وه اسمِ شماره ره داره.

یوحنایِ مکاشفه 13:4

مَردِم اژدها ره پِرسش کاردِنه، چوون شه اقتدارِ اون وحشی جانورِ هِدا بییه. و اون وحشی جانورم پرسِش کاردِنه و گاتِنه: «کیِ که بَتونه اون وحشی جانورِ واری بوئه؟ کیِ که بَتونه وه هِمراه جَنگ هاکانه؟»

یوحنایِ مکاشفه 16:13

بعد بَدیمه اژدهائه دِهونِ جِم و اون وحشی جانورِ دِهونِ جِم و دِراغی پِیغَمبِرِ دِهونِ جِم سه تا پلیدِ روح که وَکِ واری بینه بیرون بییَمونه.

یوحنایِ مکاشفه 17:6

و بَدیمه که اون زِنا مقدّسینِ خون و اونایی که عیسیِ خاطِری شهید بَینهِ خونِ هِمراه مَسِّ. همین که زِنا ره بَدیمه خَله تَعجِّب هاکاردِمه.

یوحنایِ مکاشفه 17:8

اون وحشی جانور که بَدی ای، دَییه، اَلان دییه دَنییه، و خَله زود هاویهِ چاهِ جِم بیرون اِنه و هِلاکتِ سَمت شونه. و اونایی که زِمینِ سَر دَرِنه که وِشون اسم از مووقه ای که دِنیا خَلق بَییه حیاتِ دفترِ دِله بنوشته نَییه، اون وحشی جانور بَدیئِنِ جِم تعجِّب کاندِنه، چوون وه دَییه، اَلان دَنییه، و خَله زود اِنه.