یوحنایِ مکاشفه 13:10 - کتاب مقدس به زبان مازندرانی - گویش شرقی

¹⁰ اگه قِرار بوئه یه نَفِر اسیر بَووه، اسیریِ وِسه شونه. اگه قِرار بوئه یه نَفِر شَمشیرِ هِمراه بَکوشته بَووه وِنه شَمشیرِ هِمراه بَکوشته بَووه و این مِقدّسینِ پایداری و وِشونِ ایمونِ خوانه.

گیله ماز

¹⁰ اَگِه قَرار هَبو یِنفر اَسیر هَبو، به اَسیری شونِه. اَگِه قرار هَبو ینفر شَمشیر هَمرَه بَکوشت هَبو، بایِسّی شَمشیر هَمرَه بَکوشت هَبو. و این مقدّسین پایداری و اوشانه ایمانِ خَنِه.

کتاب مقدس به زبان مازندرانی - گویش غربی

¹⁰ اگه قَرار ووئه یَنَفر اَسیر بَوو، اَسیری ای سِه شونِه. اگه قرار ووئه ینفر شَمشیری هَمرا بَکوشت بَوو، وِنِه شَمشیری هَمرا بَکوشت بَوو. و هَین مقدّسینی پایداری و وِشونی ایمونِ خواینِه.

یوحنایِ مکاشفه 13:10 Iomraidhean Croise

اِنجیلِ مَتّی 26:52

اون وَخت عیسی وه ره بااوته: «شه شَمشیرِ غَلاف هاکان. هر کی شَمشیر بَکِشه، شَمشیرِ هِمراه بَکوشته بونه.

اِنجیلِ مَتّی 7:2

هَمون طی كه شِما کَس دییه ره قِضاوت کاندینی، شه شِما ره هَم قِضاوِت کاندِنه. هر دَئیلِ هِمراه هادین، هَمون دَئیلِ هِمراه عَوِض گِرنِنی.

لوقا 21:19

شه تِحَمُّلِ هِمراه، شه جانِ نِجات دِنِنی.

کولُسیان 1:11

و تِمومِ قِوَّتِ هِمراه که وه پِرجلالِ قِدرَتِ جِم اِنه، قِوَّت بَیرین تا خِشالیِ هِمراه کاملاً صبر و تِحَمُّل دارین؛

نامِه مَسیحینی عبرانی نِژادی سِه 6:12

تا تمبِل نَبوئین، بلکه شِمه سَرمخش اونایی بوئِن که ایمون و صبرِ هِمراه وعده‌هائه وارث بونِنه.

یوحنایِ مکاشفه 1:9

مِن یوحنا، شِمه بِرار، که عِذابِ دِله و پادشاهی و صبر و تِحَمُّلی که عیسیِ دِله ئه، شِمه هِمراه شریکِمه، خِدائه کِلام و عیسیِ شِهادتِ خاطِری یِتا جزیرهِ دِله دَیمه که اونِ پاتموس گاتِنه.

یوحنایِ مکاشفه 11:18

و مِلّت ها عصِبانی بَینه، ولی تِ غَضِب بَرِسیه، مِرده هائه داوِریِ روز بَرِسیه، و اون مووقه بَرِسیه که تِ خادِمون، پیغمبِرون، مقدّسین و اونایی که تِ اسمِ حِرمتِ دارنِنه، از گَت تا کِچیک، پاداش دِنی و نابود کاندی اونایی که زِمینِ نابود هاکارِدنه.»

یوحنایِ مکاشفه 14:12

این مِقَدّسینِ پایداری ره خوانه، وِشون که خِدائه اَحکام و مَسیحِ ایمونِ دارنِنه.

یوحنایِ مکاشفه 16:6

چوون که وِشون مِقدّسین و پِیغَمبِرونِ خونِ دَشِندینه، و تِ وِشونِ، خون هِدایی تا بَنوشِن این اون چیِ که وِشونِ حَقِّ!»

یوحنایِ مکاشفه 17:11

اون وحشی جانور که دَییه و اَلان دَنیه، هَشتمین پادشاهِ. وه هم هَمون هَفت نَفِرِ شِنه و هِلاکتِ سَمت شونه.

یوحنایِ مکاشفه 17:8

اون وحشی جانور که بَدی ای، دَییه، اَلان دییه دَنییه، و خَله زود هاویهِ چاهِ جِم بیرون اِنه و هِلاکتِ سَمت شونه. و اونایی که زِمینِ سَر دَرِنه که وِشون اسم از مووقه ای که دِنیا خَلق بَییه حیاتِ دفترِ دِله بنوشته نَییه، اون وحشی جانور بَدیئِنِ جِم تعجِّب کاندِنه، چوون وه دَییه، اَلان دَنییه، و خَله زود اِنه.

یوحنایِ مکاشفه 2:19

مِن تِ کارائه جِم، تِ مِحَبَّت و ایمون و خِدمِت و صَبر و تِحَمُّلِ جِم خَوِر دارِمه، و دومبه که تِ آخِرین کارا تِ اَوِّلین کارائه جِم ویشترِ.

یوحنایِ مکاشفه 2:2

تِ کارا ره دومبه و تِ صبر و تِحَمُّل و عِذاب هائه جِم خوِر دارِمه. و دومبه که شَرورِ آدِمونِ نَتوندی تِحَمُّل هاکانی بلکه کِسایی که شه ره رسول دوندِنه ولی نینه، وِشونِ آزمود هاکاردی و بِفَهمِسی که دِراغ زَن هَسِنه.

یوحنایِ مکاشفه 3:10

چوون که تِ مِ کِلامِ صبر و تِحَمُّل خَوِری داشتی، مِنِم تِ ره اون آزمودِ ساعتِ دِله دارمه اون ساعت که تِمومِ دِنیائه سَر اِنه تا زِمینِ سَرِ مَردِمِ آزمود هاکانه.

یوحنایِ مکاشفه 3:3

پَس اونچی که بَییتی و بِشنُسی ره، شه یاد بیار؛ اونِ دار و تووبه هاکان. اگه بیدار نَووی، دِزِ واری اِمبه و تِ خَوِردار نَوونی که چه ساعتی تِ علیه اِمبه.