یوحنایِ مکاشفه 12:4 - کتاب مقدس به زبان مازندرانی - گویش شرقی

⁴ شه دِم هِمراه آسِمونِ ستاره هائه یه سِوّمِ جَمع هاکارده و زِمینِ سَر دَشِندیه. اژدها اون زِنائه روب رو که دییه خواسه بِزائه، اِیست هاکارده، تا همین که وه وچه دِنیا بییَمو، اونِ بِبَلعه.

گیله ماز

⁴ خودشه دُمِ هَمرَه آسمانِ ستارگانِ یه سِوّمِ جَم هَکُردِه و زَمینِ سَر بَریختیه. اژدها اون زِنایِ پِیش که خَسِّه بِزا، بییَسَه، تا وقتی که اونه وَچه دُنیا بوما، اونه قورت هَدِه.

کتاب مقدس به زبان مازندرانی - گویش غربی

⁴ شی دِمی هَمرا آسمونی ستارگونی یَه سِوّمِ جَم هاکِردِه و زَمینی سَر بَشِنیِه. اژدها هون زَنایی پِش گه دِ خوایسِه بَزِه، هِرِسا، تا همتی گه وی وَچه دِنیا بیمو، هونِه بَل هادِه.

یوحنایِ مکاشفه 12:4 Iomraidhean Croise

اِنجیلِ یوحنا 8:44

شِما شه پییِر اِبلیسِ وَچونِنی و خوانِنی شه پییِرِ خواسه ها ره به جا بیارین. وه از اَوِّل قاتل بییه و حَییقَتِ هِمراه کاری نِدارنه، چوون هیچ حَییقَتی وه دِله دَنیه. هر وَخت دِراغ زَنده، شه ذاتِ جِم گانه؛ چوون دِراغ زَن و دراغ زَن هائه پییِرِ.

اول پِطرُس 5:8

هوشیار بوئین، شِمه حِواس دَووه، شِمه دِشمِن اِبلیس، شیری واری غرّش کانده و هر طَرِف گِردِنه، یه نَفِرِ دِمبال دَره تا وه ره بِبَلعه.

یوحنایِ مکاشفه 12:7

و آسمونِ دِله یِتا جَنگ بَییه. میکائیل و وه فرشته ها اژدهائه هِمراه جَنگ هاکاردِنه. اژدها و وه فرشته ها وِشونِ روب رو جنگِ وِسه اِیست هاکاردِنه،

یوحنایِ مکاشفه 12:9

و گَتِ اژدها جِر دِم هِدا بَییه، یعنی اون قدیمی مَر که اِبلیس یا شیطان بااوته بونه که تِمومِ دِنیا ره گُمراه کانده. وه زِمین سَر دِم هِدا بَییه و وه فرشته ها هم وه هِمراه جِر دِم هِدا بَینه.

یوحنایِ مکاشفه 13:2

اون وحشی جانور که مِن بَدیمه پلِنگِ واری بییه، و اَشِ لیگا و شیرِ دِهونِ داشته. و اژدها شه قِدرَت و شه تَخت و یِتا گَتِ اِقتدارِ وحشی جانورِ هِدا.

یوحنایِ مکاشفه 13:4

مَردِم اژدها ره پِرسش کاردِنه، چوون شه اقتدارِ اون وحشی جانورِ هِدا بییه. و اون وحشی جانورم پرسِش کاردِنه و گاتِنه: «کیِ که بَتونه اون وحشی جانورِ واری بوئه؟ کیِ که بَتونه وه هِمراه جَنگ هاکانه؟»

یوحنایِ مکاشفه 16:13

بعد بَدیمه اژدهائه دِهونِ جِم و اون وحشی جانورِ دِهونِ جِم و دِراغی پِیغَمبِرِ دِهونِ جِم سه تا پلیدِ روح که وَکِ واری بینه بیرون بییَمونه.

یوحنایِ مکاشفه 17:18

و اون زِنا که بَدیئی هَمون گَتِ شَهرِ که زِمینِ پادشاهونِ سَر حکومت کانده.»

یوحنایِ مکاشفه 20:2

و فرشته، اژدها ره، که اون قدیمی مَرِ، که هَمون اِبلیس یا شیطانِ، بَییته و تا هزار سال وه ره زِندونی هاکارده

یوحنایِ مکاشفه 8:10

سِوّمین فرشته شه شیپورِ دِله فوت هاکارده، و یِتا گَتِ ستاره یِتا مشعلِ واری که دَره سوزِنه آسمونِ جِم یه سوّم از رودخانه‌ها و چشمه‌هائه اوهِ سَر دَکِته.

یوحنایِ مکاشفه 8:11

اون ستارهِ اسم «اَفْسَنْتینِ»، و یه سوّم از اوه ها اَفْسَنْتینِ هِمراه تَل بَینه. و یَته خَله مَردِم اون اوه هائه هِمراه که تَل بَییه بینه، بَمِردِنه.

یوحنایِ مکاشفه 8:12

چهارمین فرشته شه شیپورِ دِله فوت هاکارده، و اِفتابِ یه سوّم، و ماهِ یه سوّم و ستاره هائه یه سوّم ضربه بَخُردِنه، جوری که یه سوّم از اونائه نور تاریک بَییه. و روزِ یه سوّم بی نور بَمونِسه و شوِ یه سوّم هم همین طی.

یوحنایِ مکاشفه 8:7

اَوِّلین فرشته شه شیپورِ دِله فوت هاکارده، و تگرگ و تشی که خونِ هِمراه قاطی بییه، که زِمینِ سَر بِبارِسه و یه سوّم زِمین بَسوته و یه سوّم دارها بَسوتِنه و تِمومِ سبزِ واش ها بَسوتِنه.

یوحنایِ مکاشفه 8:8

دِوّمین فرشته شه شیپورِ دِله فوت هاکارده، و یه چی یِتا گَتِ کوهِ واری که تش بَییته بییه، دریائه دِله دِم بِدا بَییه و دریائه یه سوّم خون بَییه.

یوحنایِ مکاشفه 8:9

و دریائه جانورون جِم یه سوّم بَمِردِنه و کشتیهائه جِم یه سوّم نابود بَینه.

یوحنایِ مکاشفه 9:10

اونائه دِم و نیش، عقرِبِ دِم و نیشِ واری بییه، و شه دِمِ دِله این قِدرتِ داشتِنه که مَردِمِ پَنج ماه عِذاب هادِن.

یوحنایِ مکاشفه 9:19

چوون اسبائه قِد وِشونِ دِهون و دِمِ دِله دَییه. چوون وِشونِ دِم ها مَرِ واریِ که کلّه دارنه و اونائه هِمراه صَدِمه زَندِنه.