یوحنایِ مکاشفه 12:2 - کتاب مقدس به زبان مازندرانی - گویش شرقی

² اون زِنا حامله بییه و بِزائِنِ درد و بِزائِنِ عِذابِ جِم شیون کارده.

گیله ماز

² اون زِنا شکمداربا، و بِزاسَّنِ درد و بِزاسَّنِ عذابِ جی شیوَن کانِبا.

کتاب مقدس به زبان مازندرانی - گویش غربی

² هون زَنا حامِلِه وِه، و بَزائَنی درد و بَزائنی عذابی جا شیوَن کِردِه.

یوحنایِ مکاشفه 12:2 Iomraidhean Croise

اِنجیلِ مَتّی 24:8

ولی تِمومِ اینا تینا شِروع بِزائِنِ دردِ موندِنه.

اِنجیلِ یوحنا 16:21

یِتا زِنا بِزائِنِ مووقه دَرد کَشِنه، چوون که وه مووقه بَرِسیه؛ ولی وَختی وه وَچه دِنیا بییَمو، دییه شه دَردِ ‌یاد نیارنه، چوون یِتا آدِم دِنیا بییَمو، خِشالِ.

غَلاطیان 4:19

مِ عزیزِ وَچون، که اَی هم شِمه وِسه بِزائنِ دَردِ دارمه تا اون مووقه که مَسیح شِمه دِله شکل بَیره،

غَلاطیان 4:27

چوون که اِشعیائه پِیغمبِرِ کِتابِ دِله بَنوِشته بَییه: « ای نازا که نِزائی، خِشالی هاکان؛ ای که بِزائنِ دَردِ نِکِشی ای، خِشالی هاکان و داد بَزِن؛ چوون بی کَسِ زِنائه وَچون شی دارِ زِنائه وَچونِ جِم ویشتَر بونِنه.»

یوحنایِ مکاشفه 12:4

شه دِم هِمراه آسِمونِ ستاره هائه یه سِوّمِ جَمع هاکارده و زِمینِ سَر دَشِندیه. اژدها اون زِنائه روب رو که دییه خواسه بِزائه، اِیست هاکارده، تا همین که وه وچه دِنیا بییَمو، اونِ بِبَلعه.