یوحنایِ مکاشفه 12:14 - کتاب مقدس به زبان مازندرانی - گویش شرقی

¹⁴ ولی اون گَتِ عقابِ دِتا بال، اون زِنا ره هِدا بَییه تا اون جایی که صَحرائه دِله وه وِسه فراهم بَییه بییه پرواز هاکانه و اونجه، مَرِ جِم دور بَمونه، زِمونی و زِمونهایی و نصفِ ‌زِمونی وه ره دارِن.

گیله ماز

¹⁴ وَلی اون گَتِه عقابِ دُتا بال اون زِنا رِه هَدَه هَبا، تا اون جایی که صَحرایِ دِلِه اونه وَسین فراهم هَبا با پَرواز هَکونه و اوجِه مارِ جی دور بُمانه، زَمانی و زمانهایی و نِصفِ زمانی اونه بِدارِن.

کتاب مقدس به زبان مازندرانی - گویش غربی

¹⁴ ولی هون گَتِه عقابی دِتا بال هون زَنارِه هادا بَوِه، تا هون جایی گه صَحرایی دِلِه ویسِه فراهم بَوِه وِه پَرواز هاکِنِه و اوجِه ماری جا دور بَمونِّه، زَمونی و زمونایی و نِصفِ زمونی وِرِه دارِن.

یوحنایِ مکاشفه 12:14 Iomraidhean Croise

یوحنایِ مکاشفه 12:6

و اون زِنا صَحرائه سَمت بورده، اون جایی که خِدا وه وِسه فِراهم هاکارده بییه، دَر بورده تا اونجه هزار و دویست و شصت روز وه ره دارِن.

یوحنایِ مکاشفه 17:3

اون فرشته خِدائه روحِ دِله مِ ره صحرا بَوِرده. اونجه یِتا زِنا ره بَدیمه که یِتا سِرخِ وحشی جانورِ سَر سِوار بییه، اون جانورِ تَن، کفرآمیزِ اِسم هائه هِمراه دَپوشی بییه، و هفتا کلّه و ده تا شاخ داشته.