یوحنایِ مکاشفه 12:1 - کتاب مقدس به زبان مازندرانی - گویش شرقی

¹ یِتا گَتِ نشونه آسمونِ دِله دیار بَییه: یِتا زِنا که اِفتاب شه‌ تَن داشته و ماه وه لینگِ بِن و یِتا تاج که دِوازده تا ستاره داشته وه سَر دَییه.

گیله ماز

¹ و ایتا گَتِه نِشانه آسِمانِ دِلِه ظاهِر هَبا: ایتا زِنا که آفتو خودشه تَن داشتِه و ماه اونه لِنگِ جیر و ایتا تاج که دَوازَّه تا سِتارِه داشتِه اونه سَر دَبا.

کتاب مقدس به زبان مازندرانی - گویش غربی

¹ و یَتِه گَتِه نِشونِه آسِمونی دِلِه ظاهِر بَوِه: یَتِه زَنا گه آفتاب شی تَن داشتِه و ماه وی لینگی بِن و یَتِه تاج گه دِوازِه تا سِتارِه داشتِه وی سَر دَوِه.

یوحنایِ مکاشفه 12:1 Iomraidhean Croise

اِنجیلِ مَتّی 12:38

بعد چَن نَفِر اَز توراتِ مَلِّمون و عُلِمائه فَریسی عیسی ره بااوتِنه: «اِی اِسّا خوامبی تِ جِم یِتا نِشونه بَوینیم»

اِنجیلِ مَتّی 24:30

سَر آخِر، اِنسانِ ریکائه بییَموئِنِ نِشون آسِمونِ دِله ظاهر بونِه. بعد تِموم دِنیائه قوما عَزا گِرنِنه و اِنسانِ ریکا ره ویندِنه که آسمونِ اَبرِ میون، قِوَّت و گَتِ جِلالِ هِمراه اِنه .

مَرقُس 13:25

ستاره ها آسِمونِ جِم جِر کَفِنِنه و آسمونِ سِتونون ‌لَرزه کَفِنِنه.“

لوقا 21:11

گَتِ زِمین لَرزه و قَحطی و طاعون خَله جاها اِنه و آسِمونِ دِله عجیب غَریبِ چیا ظاهر بونه.

لوقا 21:25

«خِرشید و ماه و ستاره هائه دِله نشونه هایی ظاهر بونه. زِمینِ سَرِ مَردِم، دریائه تَلاطِم جِم پریشون بونِنه.

اِنجیلِ یوحنا 3:29

آروس، دومادِ وِسه هَسه، دومادِ رَفِق که اِیست هاکارده و وه ره گوش دِنه، دومادِ صِدائه جِم خَله خِشالی کانده. مِ خِشالی هم همین طی کامل بَییه .

اعمال رَسولان 2:19

بالا، آسمونِ دِله، عجیبِ چیا، و جِر، زِمینِ سَر، نِشونه ها ظاهر کامبه. خون و تَش و دی.

رومی ایشون 13:14

پَس خِداوند عیسی مَسیحِ شخصیتِ یِتا لِواسِ واری دَپوشین، جِسمِ هِوا و هَوسِ وِسه تدارک نَوینین تا وه خواسه ها ره به جا بیارین.

رومی ایشون 3:22

این صالحی که خِدائه جِم هَسه، عیسیِ مَسیحِ ایمونِ راهِ جِم هَسه و همهِ کِسائه نَصیب بونه که ایمون یارنِنه. چوون هیچ فرقی نییِلنه.

دوّمین نامه قرنتیانِ وَسین 11:2

چوون مِن شِمه سَر غیرت دارمه و این غیرت خِدائه جِم هَسه، چوون مِن شِما ره یِتا مَردی، یعنی مَسیحِ هِمراه، نومزِه هاکاردِمه، تا یِتا پاکِ اَذِبِ کیجائه واری، شِما ره وه دَس بِسپارِم.

غَلاطیان 3:27

چوون که شِما همه که مَسیحِ دِله تَعمید بَییتینی، مَسیحِ شه تَن دَکاردینی.

غَلاطیان 4:26

ولی بالا اورشَلیم، آزاد هَسه، که اِما همه ئه مارِ.

غَلاطیان 6:14

ولی نَکِنه که مِن هیچ وَخت یه چی ره به جِز، اَمه خِداوند عیسیِ مَسیحِ صَلیبِ اِفتخار هاکانِم، که وه طریق، دِنیا مِ وِسه مَصلوب بَییه و مِن دِنیائه وِسه مصلوب بَیمه.

اِفِسُسیان 5:32

این راز، یِتا گَتِ راِز- و اینِ که مِن گامبه مَسیح و کلیسائه خَوِریِ

یوحنایِ مکاشفه 1:20

اون هفتا ستاره که مِ راسِ دَسِ دِله بَدیئی و اون هفتا طِلا لمپا پایهِ راز اینِ: اون هفتا ستاره، هفتا کلیسائه فرشته هانه، و اون هفتا لمپا، هفتا کلیسانه.

یوحنایِ مکاشفه 11:19

بعد خِدائه معبد آسمونِ دِله واز بَییه؛ و خِدائه عَهدِ صَندِق وه مَعبِدِ دِله دیار بَییه؛ و یهویی آسِمونِ برق و رَعد و گَتِ صِدا و زلزله و تِندِ تَگِرگ بییه که اییَمو.

یوحنایِ مکاشفه 12:3

بعد یِتا دییه نشونه آسمونِ دِله ظاهر بَییه: هارِش یِتا گَتِ سِرخِ اژدِها که هَفتا کلّه و دَه تا شاخ داشته، و وه کلّه هائه سَر هفتا تاج دَییه.

یوحنایِ مکاشفه 15:1

اون مووقه یِتا دییه گَتِ نِشونه و عجیب، آسمونِ دِله بَدیمه: هفتا فرشته که هَفتا بِلا وِشونِ هِمراه بییه، وِشون آخِرین بِلاها هَسِنه- چوون وِشونِ هِمراه خِدائه غَضِب تِموم بَییه.

یوحنایِ مکاشفه 21:14

و شَهرِ دیفار، دِوازده تا پی داشته که اونائه سَر وَرهِ دِوازده تا رَسولِ اسم بَنوِشته بَییه بییه.

یوحنایِ مکاشفه 21:23

شَهر اِفتاب و ماهِ احتیاج نِدارنه که اونِ رووشِن هاکانه چوون خِدائه جِلال اونِ سو دِنه و وَره اونِ لمپائه.