یوحنایِ مکاشفه 11:10 - کتاب مقدس به زبان مازندرانی - گویش شرقی

¹⁰ اونایی که زِمینِ سَر دَرِنه وِشونِ بَمِردِنِ وِسه ذوق کاندِنه و جشن گِرنِنه و هَمدییه ره هَدیه ها دِنِنه‌؛ چوون اون دِتا پِیغَمبِر، اونایی که زِمینِ سَر دَینه ره عِذاب هِدا بینه.

گیله ماز

¹⁰ اوشانیکه زمینِ سَر دَرِن اوشانه بَمردنِ وَسین ذوق کانَن و جَشن گیرنَن و هَمدِیگَرِ هدیه‌ ها دَنِن؛ چون اون دُتا پِیغمبر اوشانیکه زَمینِ سَر دَبان رِه عذاب هَدَه بان.

کتاب مقدس به زبان مازندرانی - گویش غربی

¹⁰ اونانیگه زَمینی سَر دَرِنِه وِشونی بَمردنی سِه ذوق کِنِنِه و جَشن گیرِنِه و هَمدِیَرِ هدیه‌ ها دِنِنِه؛ چون هون دِتا پِیغمبر اونانیگه زَمینی سَر دَوِنِه رِه عذاب هادا وِنِه.

یوحنایِ مکاشفه 11:10 Iomraidhean Croise

اِنجیلِ مَتّی 10:22

تِمومِ مَردِم مِ اسم خاطِری، شِمه جِم بیزار بونِنه، ولی هَر کی تا آخِر دَووم بیاره و بَمونه، نِجات گِرنه.

اِنجیلِ یوحنا 16:20

حَییقَتاً، شِما ره گامبه، شِما برمه زاری کاندینی، ولی دِنیا خِشال بونه؛ شِما ره غَم و غُصّه گِرنه، ولی شِمه غم و غُصه خِشالی ره تبدیل بونه.

اِنجیلِ یوحنا 7:7

دِنیا نَتونده شِمه جِم بیزار بوئه ولی مِ جِم بیزارِ، چوون مِن شِهادِت دِمبه که وه کارا بَدِ.

اعمال رَسولان 5:33

وَختی این گَب ها ره بِشنُسِنه اَنده عَصِبانی بَینه که خواسِنه وِشونِ بَکوشِن.

اوّلین نامِه قُرنتیانی سِه 13:6

مِحَبَّت بَدیِ جِم خِشال نَوونه، ولی حَییقَتِ هِمراه خِشالی کانده.

یوحنایِ مکاشفه 12:13

و وَختی اژدها بَدیئه که زِمینِ سَر دِم هِدا بَییه، اون زِنائه دِمبال بورده که یِتا ریکا بِزائه بییه.

یوحنایِ مکاشفه 13:14

و اون نشونه ها و معجزاتِ خاطِری که اِجازه داشته اون اَوِّلین وحشی جانورِ عَوِض به کار بَیره، اونایی که زِمینِ سَر دَینه ره گول بَزو و وِشونِ بااوته یِتا مجسمه اون وحشی جانورِ جِم بَسازِن که شَمشیرِ هِمراه زَخمی بَییه، ولی با این وجود زنده بَمونِسه.

یوحنایِ مکاشفه 13:8

و تِمومِ اونایی که زِمینِ سَر دَرِنه و اون وحشی جانورِ پَرَسِش کاندِنه - یعنی هر کس که وه اسم، وَرهِ حیاتِ دفتر دِله بَنوشته نَییه، هَمون وَره که قبل از این که دِنیا خَلق بَووه، قِروونی بَییه بییه.

یوحنایِ مکاشفه 16:10

پنجمین فرشته شه پیاله ره اون وحشیِ جانورِ تَختِ سَر دَشِندیه و وه پادشاهیِ مملکتِ ظِلِماد بَییته. آدِمون اَنده که دَرد داشتنه، شه زِوونِ گاز گِتِنه.

یوحنایِ مکاشفه 3:10

چوون که تِ مِ کِلامِ صبر و تِحَمُّل خَوِری داشتی، مِنِم تِ ره اون آزمودِ ساعتِ دِله دارمه اون ساعت که تِمومِ دِنیائه سَر اِنه تا زِمینِ سَرِ مَردِمِ آزمود هاکانه.