یوحنایِ مکاشفه 10:6 - کتاب مقدس به زبان مازندرانی - گویش شرقی

⁶ و وه ره که تا اَبد و تا اَبد زنده ئه و آسِمون و هر اون چی که وه دِله دَره و زِمین و هر اون چی که وه دِله دَره و دریا و هر‌ اون چی که وه دِله دَره ره خَلق هاکارده و قَسِم بَخُرده که: «دییه ویشتَر از این عَقِب نَکِفنه.

گیله ماز

⁶ و اونه که تا اَبد و تا اَبد زِندِه هیسه، و آسِمان و هر اونچه که اونه دِلِه دَرِه و زمین و هر اونچه که اونه دِلهِ دَرِه و دریا و هر اونچه که اونه دِلِه دَرِه رِه خلق هَکُردِه، قَسَم بُخاردِه که: «دِ بیشتر اَز این دیر نَبونه.

کتاب مقدس به زبان مازندرانی - گویش غربی

⁶ و وِرِه گه تا اَبَد و تا اَبَد زینِّئِه، و آسِمون و هر اونچی گه وی دِلِه دَرِه و زمین و هر اونچی گه وی دِلِه دَرِه و دریا و هر اونچی گه وی دِلِه دَرِه رِه خلق هاکِردِه، قَسَم بَخاردِه گه: «دِ ویشتَر از هین دِمال نَکِفِنِه.

یوحنایِ مکاشفه 10:6 Iomraidhean Croise

یوحنایِ مکاشفه 1:18

مِن که زِندِمه. بَمِردِمه و هارِش همیشهِ وِسه زندِمه و مَرگ و مِرده هائه دِنیائه کِلیت ها مِ دَس دَره.

یوحنایِ مکاشفه 12:12

پَس اِی آسمونون و ای کِسایی که آسمونونِ دِله دَرِنی، خِشالی هاکانین! ولی وای به حالِ شِما، ای زِمین، و اِی دریا، چوون که اِبلیس بَدجور غیظِ هِمراه شِمه سَر جِر بَییَمو، چوون دونده وَخت کَمِ.»

یوحنایِ مکاشفه 16:17

هَفتِمین فرشته شه پیاله ره هِوائه دِله دَپاشیه و یِتا بِلِندِ صِدا اون تخت و مَعبِدِ جِم بییَمو که: «تِموم بَییه!»

یوحنایِ مکاشفه 21:6

و وه مِ ره بااوته: «اِنجام بَییه! مِن ”الف“ و ”ی“ و اَوِّل و آخِرِمه. مِن هر کس که تِشنا بوئه ره زندگیِ چشمهِ اوهِ جِم مجانی وه ره دِمبه.

یوحنایِ مکاشفه 4:10

اون بیست و چهارتا پیر، اون تخت‌نشینِ روب رو بِنهِ سَر کَفِنِنه و وه ره که تا اَبد و تا اَبد زنده ئه ره پَرَسِش کاندِنه و شه تاجِ وه تَختِ جلو دِم دِنِنه و گاننه:

یوحنایِ مکاشفه 4:11

«ای اَمه خِداوندْ، اِی اَمه خِدا، تِ لایقی که جِلال و حِرمت و قِوَّت تِ ره پیشکش بَووه، چوون که همه چی ره تِ خَلق هاکاردی و همه چی تِ خواسِ هِمراه به وجود بییَمو و خَلق بَییه.»

یوحنایِ مکاشفه 4:9

هر وَخت که اون زنده مخلوقا، اون تخت‌نشینِ وِسه، اونی که تا اَبد و تا اَبد زنده ئه، جِلال و حِرمت و شُکر پیشکش کاندِنه،

یوحنایِ مکاشفه 6:11

و هر کِدوم از وِشونِ، اسبهِ قَوا هِدا بَییه و وِشونِ بااوته بَییه که اَت کم ویشتر آروم بَیرین تا وِشونِ هم خِدمتون و بِرارونِ تعداد که قرارِ وِشونِ واری بَکوشته بَووِن، کامل بَووه.