یوحنایِ مکاشفه 1:16 - کتاب مقدس به زبان مازندرانی - گویش شرقی

¹⁶ و شه راسِ دَسِ دِله هفتا ستاره داشته و وه دِهونِ جِم یِتا دِ دَمِ تیزِ شمشیر بیرون بییَمو بییه، و وه دیم اِفتاب واری بییه که تِمومِ شه قِوَّتِ هِمراه تابِسه.

گیله ماز

¹⁶ خودشه راسِ دَسِ دِلهِ هَفتا سِتارِه داشتِه و اونه دَهَنِ جی ایتا دو دَم تیز شَمشیر دِرگا هَنِه با، وَ اونه دیم ایتا آفتویه مِثان با که تمام خودشه قُوَّتِ هَمرَه تابِسِّه.

کتاب مقدس به زبان مازندرانی - گویش غربی

¹⁶ شی راسِ دَسی دِلِه هَفتا سِتارِه داشتِه و وی دِهِنی جا یَتِه دِ دَمِ تیجِ شَمشیر دیرگا بیمو وِه، و وی دیم هِتی آفتابی تَرا وِه گه دِشتِه شی قِوَّتی هَمرا تابِسِه.

یوحنایِ مکاشفه 1:16 Iomraidhean Croise

اِنجیلِ مَتّی 17:2

اونجه وِشونِ پَلی، عیسیِ دیم تغییر هاکارده. وه دیم خِرشیدِ واری نورانی و وه جِمِه نورِ واری اِسبه بَییه.

اعمال رَسولان 26:13

ظِهرِ مووقه، ای پادشاه، راه دِله یِتا نور، خِرشیدِ نورِ جِم رووشِن تر، آسِمونِ جِم مِن و مِ هَمراهونِ دور بَتابِسه.

اِفِسُسیان 6:17

نِجاتِ کِلاهخودِ شه سَر بییِلین و روحِ شمشیر که هَمون خِدائه کِلامِ ره، ‌شه دَس بَیرین.

نامِه مَسیحینی عبرانی نِژادی سِه 4:12

چوون خِدائه کِلام زنده ئه و کار کانده و هر دِ دَمِ شَمشیرِ جِم تیز تَرِ، جوری وِرینه که نفس و روح و مفاصل و مغز و اِستکا ره سیوا کانده، و فکرا و دلِ نیّتها ره تشخیص دِنه

یوحنایِ مکاشفه 1:20

اون هفتا ستاره که مِ راسِ دَسِ دِله بَدیئی و اون هفتا طِلا لمپا پایهِ راز اینِ: اون هفتا ستاره، هفتا کلیسائه فرشته هانه، و اون هفتا لمپا، هفتا کلیسانه.

یوحنایِ مکاشفه 10:1

بعد بَدیمه یِتا دییه قِددارِ فرشته آسمونِ جِم جِر اییَمو. اون فرشته یِتا اَبرِ دِله دَپیته بییه و یِتا رنگین‌کمون وه سرِ وَر و وه قیافه اِفتابِ واری بییه و وه لینگا، سِتون هائه تشِ واری بییه.

یوحنایِ مکاشفه 12:1

یِتا گَتِ نشونه آسمونِ دِله دیار بَییه: یِتا زِنا که اِفتاب شه‌ تَن داشته و ماه وه لینگِ بِن و یِتا تاج که دِوازده تا ستاره داشته وه سَر دَییه.

یوحنایِ مکاشفه 19:15

و وه دِهونِ جِم یِتا تیزِ شمشیر بیرون اییَمو، تا اونِ هِمراه ملّتها ره بَزِنه. «آهنی عصائه هِمراه وِشونِ سَر حکومت کانده.» وه خِدائه قادرِ مطلقِ غیظ و غَضِبِ اَنگورِ، شِرابِ حوضِ دِله لَگِد مال کانده.

یوحنایِ مکاشفه 19:21

و بَقیهِ وِشون اون شَمشیرِ هِمراه که اون اسب‌سِوارِ دِهونِ جِم بیرون اییَمو، بَکوشته بَینه و تِمومِ اون پَرِنده ها شه ره اونائه گوشتِ جِم سیر هاکاردِنه.

یوحنایِ مکاشفه 2:1

«اَفِسُسِ کلیسائه فِرشتهِ وِسه بَنویس: «اون که شه راسِ دَسِ دِله هَفتا ستاره دارنه و هفتا طِلا لمپا پایهِ میون قَدِم زَنده، این طی گانه:

یوحنایِ مکاشفه 2:12

«پِرگامومِ کلیسائه فرشته ره بَنویس: «وه که دِ دَمِ تیزِ شمشیر دارنه، این طی گانه:

یوحنایِ مکاشفه 2:16

پَس تووبه هاکان، واِلا خَله زود تِ پَلی اِمبه و شه دِهونِ شَمشیرِ هِمراه وِشونِ علیه جَنگ کامبه.

یوحنایِ مکاشفه 3:1

«و ساردِسِ کلیسائه فِرشتهِ وِسه بَنویس: «اون که خِدائه هفتا روح و هفتا ستاره ره دارنه، این طی گانه: تِ اَعمالِ جِم خَوِر دارِمه. اینِ وِسه سرشناسی که زنده ای، ولی بَمِردی