فیلیپیان 4:3 - کتاب مقدس به زبان مازندرانی - گویش شرقی

³ اَره، وِفادارِ همکار تِ جِم هم خوامبه که این دِتا زِنا ره کُمِک هاکانی، چوون وِشون اَکْلیمِنتُس و بَقیه همکارونِ هِمراه که وِشون اسم، حیاتِ دفترِ دِله بَنوِشته بَییه، مِ دوشادوش اِنجیلِ کارِ وِسه زَحمِت بَکِشینه.

گیله ماز

³ وَ تی جی هَم اِی وَفادارِ همکار، خواهِش کانَم که این دُتا زِنا رِه کُمَک هَکُنی، چون اَکْلیمِنتُس و دیگر همکارانِ هَمرَه که اوشانه اِسم زندگی یه دَفترِ دِلِه بَنوِشتِ هَبا، می دوشادوش اِنجیلِ کارِ وَسین تَقَلّا هَکُردَن.

کتاب مقدس به زبان مازندرانی - گویش غربی

³ اَرِه، وَفادارِ همکار، تیجا هَم خوایمِه گه هَین دِتا زَنارِه کِمَک هاکِنی، چون وِشون، اَکْلیمِنتُس و بقیِه همکارانی هَمرا گه وِشونی اِسم حیاتی دَفتری دِلِه بَنوِشت بَوِه، می دوشادوش اِنجیلی کاری سِه زحمت بَکِشینِه.

فیلیپیان 4:3 Iomraidhean Croise

لوقا 10:20

ولی اینِ وِسه خِشالی نَکِنین که پلیدِ اِرواح شِمه جِم اِطاعت کاندنه، بلکه اینِ وِسه خِشال بوئین که شِمه اِسم آسمونِ دِله بَنوِشته بَییه.»

رومی ایشون 12:1

پَس ای بِرارون، خِدائه رَحمِت هائه خاطِری، شِمه جِم خواهش کامبه که شه تَن ها ره، زنده قِروونیِ واری، مِقَدَّس و خِدائه بابِ دِل پیشکَش هاکانین که شِمه روحانی عبادَت همینِ.

رومی ایشون 16:12

تْریفینا و تْریفوسائه وِسه، اون خادمونِی که خِداوندِ خِدمِتِ دِله زَحمِت کَشِنِنه ره سِلام بَرِسونین و پِرسیس مِ عزیزِ رَفِق، که خِداوندِ دِله خَله زَحمِت کَشِنه ره هم سِلام بَرِسونین.

رومی ایشون 16:9

اَمه همکار اوربانوسِ مَسیحِ دِله، و مِ عزیزِ رَفِق، اِستاخیسِ، سِلام بَرِسونین.

فیلیپیان 1:12

اِی بِرارون، خوامبه بَدونین اونچی که مِ سَر بییَمو، در اَصل اِنجیلِ ترقی باعث بَیّه،

فیلیپیان 1:16

اون دِوّمی دَسه، مِحبِّتِ جِم این طی کاندِنه، چوون دوندِنه که، انجیلِ دِفاع هاکاردِنِ وِسه مِ ره اینجه بییِشتِنه.

فیلیپیان 1:27

فِقَط بییِلین شِمه زندگی رَوش، مَسیحِ انجیلِ لایق بوئه، اون طی که چه بِیِّم و شِما ره بَوینِم و چه نَیِّم، شِمه جِم بِشنُئِم، که یِتا روحِ دِله پابرجانی و یِتا فِکرِ هِمراه، اِنجیلِ ایمونِ وِسه، دوش به دوش هم تَقِلّا کاندینی،

فیلیپیان 1:5

اون همکاریِ وِسه که مَسیحِ انجیلِ کارِ دِله، اَوِّلین روزِ جِم تا اَمروز، شَریک بینی.

فیلیپیان 1:7

مِن این حَقِّ دارمه که شِما همهِ خَوِری این طی حسی دارِم، چوون که مِ دلِ دِله، جا دارنِنی؛ چوون شِما همه مِ هِمراه خِدائه فیضِ دِله شریکِنی، هم مِ زِندون دَکِتِنِ دِله، هم اِنجیل دِفاع هاکاردِنِ جِم و هم اونِ حَییقَتِ ثابت هاکاردِن.

فیلیپیان 4:2

اِفُودیهِ جِم خواهش کامبه و سینتیخیِ جِم خواهش کامبه که خِداوندِ دِله همفکر بوئِن.

کولُسیان 1:7

هَمون طی که شِما اونِ اَمه عزیزِ همخِدمت، اِپافْراسِ جِم یاد بَییتینی، اونی که شِمه طَرِف جِم مَسیحِ وِفادارِ نوکِرِ.

یوحنایِ مکاشفه 13:8

و تِمومِ اونایی که زِمینِ سَر دَرِنه و اون وحشی جانورِ پَرَسِش کاندِنه - یعنی هر کس که وه اسم، وَرهِ حیاتِ دفتر دِله بَنوشته نَییه، هَمون وَره که قبل از این که دِنیا خَلق بَووه، قِروونی بَییه بییه.

یوحنایِ مکاشفه 17:8

اون وحشی جانور که بَدی ای، دَییه، اَلان دییه دَنییه، و خَله زود هاویهِ چاهِ جِم بیرون اِنه و هِلاکتِ سَمت شونه. و اونایی که زِمینِ سَر دَرِنه که وِشون اسم از مووقه ای که دِنیا خَلق بَییه حیاتِ دفترِ دِله بنوشته نَییه، اون وحشی جانور بَدیئِنِ جِم تعجِّب کاندِنه، چوون وه دَییه، اَلان دَنییه، و خَله زود اِنه.

یوحنایِ مکاشفه 20:12

و مِرده ها ره بَدیمه، گَت تا کِچیک، اون تَختِ روب رو اِیست هاکارده بینه. و دفتِرها واز بَینه. بعد یِتا دییه دفتِر واز بَییه که حیاتِ دفتِر بییه و مِرده ها اون چیائه هِمراه که اون دفتِرهائه دِله بَنوِشته بَییه بییه و طِبق اونچی که هاکارده بینه، داوِری بَینه.

یوحنایِ مکاشفه 20:15

و هر کس که وه اسم حیاتِ دفترِ دِله بَنوِشته نَئی بییه، تَشِ دریاچهِ دِله دِم هِدا بَییه.

یوحنایِ مکاشفه 21:27

ولی هیچ ناپاکی و هیچ کس که وه کارا نفرت انگیزِ و دِراغِ جِم بوئه، اَصلاً وه دِله نَشونه، بلکه فِقَط اونائه اسم که ورهِ حیاتِ دفتِرِ دِله بَنوِشته بَییه، وه دِله شونِنه.

یوحنایِ مکاشفه 3:5

هر کی که پیروز بَووه، این طی اسبه لِواس پوشِنه و مِن وه اسمِ هیچ وَخت حیاتِ دفتِرِ جِم پاک نَکامبه، و شه پییِر و وه فرشته هائه پَلی، وه اسمِ شه زِوون یارمه.