فیلیپیان 3:13 - کتاب مقدس به زبان مازندرانی - گویش شرقی

¹³ بِرارون، گمون نَکامبه هَمتی اونِ به‌دَس بیارده بوئِم؛ ولی یِتا کار کامبه، اونچی که دِمبالِ سَر دَره ره یاد کامبه و اونچی که پیش دَرهِ وِسه، تقلّا کامبه

گیله ماز

¹³ اَداشان، گَمان نُکانَم هَلَه اونِهِ بِدَس بیاردِه بوم؛ وَلی یه کاری کانَم، وَ اون اینه که اونچه دُمّال سَر دَرِه رِه یاد کانَم و اونچه یه سمت که دَر پِیش دَرِه یه وَسین، تَقلّا کانَم،

کتاب مقدس به زبان مازندرانی - گویش غربی

¹³ بِرارِن، گِمون نَکِمِّه گه حَلا اونِه بِدَس بیارد ووم؛ ولی یَتِه کار کِمِّه، اونچی گه دِمال سَر دَرِه رِه یاد کِمِّه و اونچی ای گه پِش دَرِه ای سِه، تَقلّا کِمِّه،

فیلیپیان 3:13 Iomraidhean Croise

لوقا 10:42

اِسا اون که یِتا چی اَهمیَّت دارنه؛ و مریِم خوارِ چی ره انتخاب هاکارده، که وه جِم بَییته نَوونه.»

لوقا 9:62

عیسی وه جِواب بااوته: «کِسی که شُخم‌بَزوئِنِ شِروع هاکانه و شه دِمبالِ سَرِ هارِشه، خِدائه پادشاهیِ لیاقتِ نِدارنه.»

دوّمین نامه قرنتیانِ وَسین 5:16

پَس اِما دییه بعد از این هیچ کسِ طبقِ جِسم نِشناسِمبی. هر چَن قبلاً مَسیحِ طبقِ جِسم اِشناسی بیمه، اِسا دییه این طی نییه.

فیلیپیان 2:12

پَس اِی عزیزون، هَمون‌طی که هَمش مطیع بینی، اَلان نا فِقَط مِ پَلی، بلکه خَله ویشتِر وَختی من دَنیمه، شه نِجاتِ وِسه وِنه تَرس و لرزِ هِمراه عَمِل هاکانین؛

فیلیپیان 3:12

نا اینکه تا اَلان اینا ره به دَس بیارده بوئِم یا کامل بَیمه، بلکه شه قبلتر حرکت کامبه تا اونِ به‌دَس بیارِم چوون که مَسیحْ عیسی، مِ ره شه وِسه به‌دَس بیارده.

فیلیپیان 3:8

راس راسی، مِن همه چی ره اینِ وِسه که مِ خِداوند مَسیحْ عیسیِ بِشناسییَن همه چیِ جِم بالاتر هَسه، ضرر دومبه، وه خاطِری همه چی ره از دَس هِدامه. و اونا ره آشغالِ واری دومبه تا مِ نفع، مَسیح بوئه

نامِه مَسیحینی عبرانی نِژادی سِه 6:1

پَس بِئین مَسیحِ اَوِّلین تَعلیم ها ره پِشتِ سَر بییِلیم، بالغ بَیِّنِ سَمت جلو بوریم، اِما نَوِسه اَت کَش دییه پِیِ تووبه هاکاردِن و بیخودی کارا و خِدا ره ایمون داشتن،

پطرسی دِوّمین نامِه 3:8

ولی ای عزیزون، این حَییقتِ ندید نَیرین که خِداوندِ پَلی یِتا روز هزار سالِ و هزار سال یِتا روزِ واریِ.