فیلیپیان 2:27 - کتاب مقدس به زبان مازندرانی - گویش شرقی

²⁷ راس راسی که ناخِش بییه و دَییه مِرده. ولی خِدا وه ره رَحم هاکارده، و نا فِقَط وه ره، بلکه مِ ره هم رَحم هاکارده، تا یِتا غُصّه، مِ غُصّه هائه سَر زیاد نَووه.

گیله ماز

²⁷ راس راسی که ناخوش با و دَبا بَمیره. وَلی خُدا اونه رَحم هَکُردِه، وَ نه فقط اونه، بلکه مَرِه هَم رَحم هَکوردِه، تا ایتا غُصِّه می غُصِّه های سر زیاد نَبو.

کتاب مقدس به زبان مازندرانی - گویش غربی

²⁷ راساسی گه ناخِش وِه و دِ مِردِه. ولی خِدا وِرِه رَحم هاکِردِه، و نا فقط وِرِه، بَلگی مِنِه هَم رحم هاکِردِه، تا یَتِه غِرصِه می غِرصِه ایشونی سَر زیاد نَوو.

فیلیپیان 2:27 Iomraidhean Croise

اعمال رَسولان 9:37

اون روزا طابیتا مَریض بَییه و بَمِرده. پَس وه جِنازه ره بَشُسِنه و یِتا بالاخانهِ دله‌ بییِشتِنه.

اوّلین نامِه قُرنتیانی سِه 10:13

هیچ آزمودی شِمه وِسه نییَمو که بَقیه آدِمونِ وِسه نییَمو بوئه. خِدا وِفادارِ؛ وه نییِلنه شه تِوانِ جِم ویشتر، آزمود بَووین، ولی آزمودِ دِله، یِتا راه فِرار هم اییِلنه تا شِما بَتونین طاقِت بیارین.

دوّمین نامه قرنتیانِ وَسین 2:7

پَس دییه وِنه وه ره بِبَخشین و دلداری هادین، نَکِنه خَله غُصّه، وه ره از پا دربیاره.

فیلیپیان 2:26

چوون که اونِ مشتاقِ شِما هَمه ره بَوینه و اینِ خاطِری که بِشنُسه بینی ناخِش هَسه، پَریشونِ.

فیلیپیان 2:28

پَس مِن وه بَفرِسیِنِ وِسه ویشتر ذوق دارمه، تا اَت کَش دییه، وه بَدیئِن هِمراه خِشال بَووین و مِ غصّهِ جِم هم کَم بَووه.

فیلیپیان 2:30

چوون که وه مَسیحِ کارِ وِسه دَییه مِردهِ و شه جانِ خَطِر دِم هِدا تا شِمه خِدمِتِ کم و کاستی مِ ره جبران بَووه.