فیلیپیان 1:3 - کتاب مقدس به زبان مازندرانی - گویش شرقی

³ هر وَخت که شِما ره شه ‌یاد یارمه، شه خِدا ره شِکر کامبه

گیله ماز

³ هر وَخت شِمِره می یاد هارنَم، می خُدا رِه شکر کانَم

کتاب مقدس به زبان مازندرانی - گویش غربی

³ هر وَخت گه شِمارِ شی یاد اُرمِه، شی خِدارِه شِکر کِمِّه

فیلیپیان 1:3 Iomraidhean Croise

رومی ایشون 6:17

ولی خِدا ره شِکر، شِما که یه وَختی گِناهِ نوکِرون بینی، اِسا تِمومِ شه دلِ هِمراه، اون تَعلیمِ جِم اِطاعت کاندینی که خِدا شِما ره هِدا.

اوّلین نامِه قُرنتیانی سِه 1:4

مِن هَمِش شه خِدا ره شِمه خاطِری و خِدائه اون فِیض که عیسی مَسیحِ دِله شِما ره هِدا بَییه، شِکر کامبه.

اوّل تِسالونیکیان 3:9

چوون این همه خِشالی ای که شِمه خاطِری اَمه خِداوندِ حِضور اَمه نَصیب بَییه، چی طی تومبی خِدا ره شِکر هاکانیم؟

دوّم تِسالونیکیان 1:3

اِی بِرارون، اِما هَمش وِنه خِدا ره شِمه خاطِری شِکر هاکانیم، و دِرِس هم اینِ، چوون شِمه ایمون این طی رشد کانده و هر کِدوم از شِمائه مِحَبَّت هَمدییه ره ویشتر بونه.

دوم تیموتائوس 1:3

هَمون طی که شو و روز، یه سَره شه دِعاهائه دِله تِ ره یاد یارمه، خِدا ره شِکر کامبه، اون خِدایی که مِنِم شه اجدادِ واری، پاکِ وجدانِ هِمراه وه ره خِدمت کامبه.