فیلیمون 1:8 - کتاب مقدس به زبان مازندرانی - گویش شرقی

⁸ اینِ وِسه، هَرچَن مَسیحِ دِله این جِرأت دارمه که تِ ره حِکم هاکانِم، اونچی که لازمِ ره هاکانی.

گیله ماز

⁸ اینه وَسین، هر چَن مَسیح دِلهِ این جُرأتِ دارَم که تِرِه حُکم هَکونَم اونچه که لازِمِ رِه هَکُنی،

کتاب مقدس به زبان مازندرانی - گویش غربی

⁸ هَینسِه، هر چَن مَسیحی دِلِه هَین جِرأتِ دارمِه گه تِرِه حکم هاکِنِم اونچی گه لازِمِ رِه هاکِنی،

فیلیمون 1:8 Iomraidhean Croise

دوّمین نامه قرنتیانِ وَسین 10:8

چوون حَتَّی اگه یه ذِرّه ویشتر شه اِقتدارِ اِفتخار هاکانِم شرمنده نَبومبه. اون اِقتِدار که خِداوند شِمه بِنا هاکاردِنِ وِسه مِ ره هِدا، نا شِمه نابودیِ وِسه.

دوّمین نامه قرنتیانِ وَسین 11:21

شرمندگیِ هِمراه وِنه بارِم که اِما این کارِ وِسه خَله ضعیف بیمی! ولی اگه کِسی جِرأت داره یِتا جَریانِ اِفتخار هاکانه - مِن اَی دِواره نادونونِ واری گَب زَمبه - مِنِم شه ره جِرأت دِمبه اون جَریانِ وِسه اِفتخار هاکانِم.

دوّمین نامه قرنتیانِ وَسین 3:12

پَس چوون که این طی امیدی دارمی، جرأتِ هِمراه گَب زَمبی؛

اِفِسُسیان 5:4

بَدِ گَب و بیخودِ گَب و رَکیکِ گَب شِمه میون دَنی بوئه که شِمه لایق نییه؛ وِنه اونِ عَوِض، شِکر هاکانین.

اوّل تِسالونیکیان 2:2

بلکه هر چَن قبلاً فیلیپیِ شَهرِ دِله عِذاب بَکِشیمی و اِما ره بَدی هاکاردِنه، اون طی که خجالِت آوِر بییه، هَمون طی که دوندِنی، ولی اِما شه خِدائه کُمِکِ هِمراه جرأت هاکاردیمی تا خِدائه انجیلِ خَله مخالفتهائه میون شِما ره اِعلام هاکانیم.

اوّل تِسالونیکیان 2:6

اِما اینِ دِمبال دَنی بیمی که یه نَفِر اِما ره بالا بَوِره، چه شِمه جِم و چه بَقیهِ جِم. هر چَن که اِما مَسیحِ رَسولون مَقامِ دِله این حَقِّ داشتیمی که اینِ شِمه جِم بِخوائیم