فیلیمون 1:7 - کتاب مقدس به زبان مازندرانی - گویش شرقی

⁷ اِی بِرار، تِ مِحبّتِ جِم خَله خِشال بَیمه و تسلّی بَیتِمه، چوون مِقدَّسینِ دِل تِ خاطِری اَی هم جان بَییته.

گیله ماز

⁷ تی مُحبتِ مَرِه خیلی خوشحال هَکوردِه و تسلّی بِیتَم، چون مُقَدَسینِ دِل تی خاطری باز هم جان بِیتِه.

کتاب مقدس به زبان مازندرانی - گویش غربی

⁷ اِی بِرار، چون تی مِحبتی جا خِیلی خِشال بَوِمِه و تسلّی بَیتِمِه، چون مِقَدَّسینی دِل تی خاطری اَی هَم جان بَیتِه.

فیلیمون 1:7 Iomraidhean Croise

اوّلین نامِه قُرنتیانی سِه 16:18

چوون وِشون مِ روحِ و شِمه روحِ هم تازه هاکاردِنه. این طی آدِما ره حِرمت بییِلین.

دوّمین نامه قرنتیانِ وَسین 7:13

اینِ وِسه هَسه که اِما تَسِلّی دارمی. علاوه بر اَمه تَسِلّی، اِما تیتوسِ بَدیئِنِ جِم ویشتر خِشال بیمی، چوون که وه روح شِما همهِ خاطِری، تازه بَییه.

دوّمین نامه قرنتیانِ وَسین 7:4

مِن خَله جِرأتِ هِمراه دَره شِمه هِمراه گَب زَمبه. مِن خَله شِما ره اِفتخار کامبه؛ مِن خَله تَسِلّی بَییتِمه. تِمومِ شه مصیبت هائه دِله، خِشالیِ جِم پِرِمه.

اوّل تِسالونیکیان 1:3

شِمه کار، که ایمونِ راهِ جِم هسه و زَحمِتی که مِحبَّتِ راهِ دِله کَشِنِنی و شِمه امیدِ پایداری که اَمه خِداوند عیسی مَسیحِ دِله ئه، خِدا و اَمه آسِمونی پییِرِ روب رو شه یاد یارمی.

اوّل تِسالونیکیان 2:13

اِما هم هَمِش خِدا ره اینِ خاطِری شِکر کامبی، که اون مووقه که خِدائه کِلامِ قبول هاکاردینی، اون کِلام که اَمه جِم بِشنُسینی، اونِ نا آدِمیِ کِلامِ واری، بلکه خِدائه کِلامِ واری قبول هاکاردینی، هَمون طی که حَییقَتاً هم هَسه؛ که شِما ایموندارونِ میون کار کانده.

اوّل تِسالونیکیان 2:19

چوون اَمه امید و خِشالی و اِفتخارِ تاج، اَمه خِداوند عیسیِ روب رو مووقه ای که بِیّه، چیه؟ مگه شِما نینی؟

اوّل تِسالونیکیان 3:9

چوون این همه خِشالی ای که شِمه خاطِری اَمه خِداوندِ حِضور اَمه نَصیب بَییه، چی طی تومبی خِدا ره شِکر هاکانیم؟

دوم تیموتائوس 1:16

خِداوند اونیسیفوروسِ خانواده ره لطف هاکانه، چوون وه چَن کَش مِ جانِ تازه هاکارده و مِ زندون دَکِتِنِ جِم عار نِداشته.

فیلیمون 1:20

اَره ای بِرار، خوامبه که خِداوندِ دِله، تِ جِم یِتا نَفع مِ ره بَرِسه؛ مِ جانِ مَسیحِ دِله تازه هاکان.

دوم یوحنا 1:4

مِن خَله خِشال بَیمه که بِفَهمِسِمه تِ وَچونِ جِم بعضیا طبقِ هَمون حِکمی که پییِرِ جِم بَییتیمی، ’حَییقَتِ‘ دِله زندگی کاندِنه.