فیلیمون 1:22 - کتاب مقدس به زبان مازندرانی - گویش شرقی

²² ضمناً، یِتا اِتاق هم مِ وِسه حاضر هاکان، چوون امید دارمه که خِدا شِمه دِعاها ره مستجاب کانده، مِ ره شِمه پَلی بَردِگاردِنه.

گیله ماز

²² ضِمناً، ایتا اُتاق هَم مَرِه حاضر هَکُن، چون اُمید دارَم که خُدا شِیمی دُعاها رِه مُستجاب کانه مَرِه شِیمی ورجه وَگِرداندِنِه.

کتاب مقدس به زبان مازندرانی - گویش غربی

²² ضِمناً، یَتِه اِتاق هَم میسِه حاضر هاکِن، چون اِمید دارمِه گه خِدا شِمِه دِعاهارِه مِستجاب کِنِّه مِنِه شِمِه وَر دَگِردانِه.

فیلیمون 1:22 Iomraidhean Croise

اعمال رَسولان 27:24

و بااوته: ”پولُس، نَتِرس. تِ وِنه محاکمهِ وِسه، اِمپراطورِ پلی حاضر بَووی، و حَییقَتاً خِدا تِمومِ تِ همسَفِرونِ جانِ هم تِ ره بِبَخشیه.“

اعمال رَسولان 28:23

پَس وِشون یِتا روزِ تعیین هاکاردِنه و خَله آدِمون پولُسِ سِره بییَمونه تا وه ره بَوینِن. وه صِواحی تا شو، خِدائه پادشاهیِ خَوِری وِشونِ وِسه شهادت دائه و تَقِلّا کارده، موسیِ تورات و پیغمبِرونِ نوِشتهِ هِمراه، عیسیِ خَوِری وِشون قانع هاکانه.

رومی ایشون 15:24

امید دارمه که وَختی دَره اسپانیا شومبه، شه راهِ سَر شِما ره بَوینِم تا بَعدِ از اون که اَت کم شِما ره بَدیمه، مِ ره اونجه ئه سَفِرِ دِله، کُمِک هاکانین.

دوّمین نامه قرنتیانِ وَسین 1:11

شِما هم وِنه شه دعائه هِمراه اِما ره کُمِک هاکانین. تا خَیلیا اَمه خاطِری شِکر هاکانِن، اون برکتِ خاطِری که خَله آدِمونِ دِعائه جوابِ دِله اِما ره هِدا بَییه.

فیلیپیان 1:19

چوون دومبه که شِمه دعاها و عیسی مَسیحِ روحِ کمکِ هِمراه، اینا مِ آزاد بَیّنِ وِسه خَتم بونه،

فیلیپیان 2:24

و خِداوندِ دِله مطمعِنِمه که مِنِم خَله زود اِمبه.

نامِه مَسیحینی عبرانی نِژادی سِه 13:19

شِمه جِم خوامبه ویشتر و ویشتر دِعا هاکانین تا هر چی زودتر شِمه پَلی بَردَگِردِم.

نامِه مَسیحینی عبرانی نِژادی سِه 13:23

وِنه بَدونین که اَمه بِرار تیموتائوس آزاد بَییه. اگه وه زود بِیّه، وه هِمراه شِمه بَدیئِنِ وِسه اِمبه.

یعقوبِ نامه 5:16

اینِ وِسه هَمدییه پَلی شه گِناهونِ اِعتراف هاکانین و هَمدییه وِسه دِعا هاکانین تا شِفا بَیرین. صالحِ آدِمِ دعا، خَله قِوَّتِ هِمراه عَمِل کانده.

دوم یوحنا 1:12

هر چَن خَله چیا دارمه که شِمه وِسه بَنِویسِم، ولی نِخوامبه مِرَکَّب و کاغذِ هِمراه بوئه. بلکه امید دارمه شِمه پَلی بِیِّم و رو در رو گَب بَزِنیم تا اَمه خِشالی کامل بَووه.

سوّم یوحنا 1:14

امید دارمه خَله زود تِ ره بَوینِم و رو در رو گَب بَزِنیم.