فیلیمون 1:21 - کتاب مقدس به زبان مازندرانی - گویش شرقی

²¹ اینِ نِویسِمبه چوون تِ اِطاعت هاکاردِنِ جِم مِطمئِنِمه و دومبه حَتّی ویشتَر از اونچی که گامبه، کاندی.

گیله ماز

²¹ اینه نِویسِنَم چون تی اِطاعَت هکُردنِ جی مُطمئنم، و دانَم حتّی بیشتر اَز اونچه که گونَم، کانی.

کتاب مقدس به زبان مازندرانی - گویش غربی

²¹ هَینِه نِویسِمِه چون تی اِطاعَت هاکردنی جا مِطمئنمِه، و دِمِّه حتّی ویشتَر از اونچی گه گِمِه، کِنّی.

فیلیمون 1:21 Iomraidhean Croise

رومی ایشون 2:19

و اگه مِطمئنی که کورونِ راهنِما و اونایی که تاریکی دِله دَرِنه ئه وِسه نوری،

دوّمین نامه قرنتیانِ وَسین 2:3

مِن جوری شِمه وِسه نامه بَنوِشتمه تا مووقه ای که شِمه پَلی اِمبه، اونایی که وِنه مِ ره خِشال هاکانِن، مِ غُصّه باعث نَووِن. چوون که شِما همهِ جِم مطمئِن بیمه که مِ خِشالی، شِما همهِ خِشالیِ.

دوّمین نامه قرنتیانِ وَسین 7:16

خِشالِمه که کاملاً شِما ره اِطمینان دارمه.

دوّمین نامه قرنتیانِ وَسین 8:22

و این آدِمونِ هِمراه، شه بِرارِ رِسِندِمبی که خَله وه ره آزمود هاکاردیمی و بَفِهمِسیمی که خَله چیائه دِله ذوق و شوق دارنه، ولی اَلان اون بِرار، اون زیادِ اطمینانِ خاطِری که شِما ره دارنه، قبلاً جِم ویشتر، ذوق و شوق دارنه.

غَلاطیان 5:10

مِن خِداوندِ دِله شِمه جِم مطمئِنِمه که شِما یِتا دییه نَظِری ره قبول نَکاندینی، و اونی که شِما ره پریشون کانده، هر کی بوئه، شه سِزا ره وینده.

دوّم تِسالونیکیان 3:4

اِما خِداوندِ دِله شِما ره اِطمینان دارمی که اونچی که شِما ره حِکم کامبی ره، به‌جا یارنِنی و اِنجام دِنِنی.