فیلیمون 1:20 - کتاب مقدس به زبان مازندرانی - گویش شرقی

²⁰ اَره ای بِرار، خوامبه که خِداوندِ دِله، تِ جِم یِتا نَفع مِ ره بَرِسه؛ مِ جانِ مَسیحِ دِله تازه هاکان.

گیله ماز

²⁰ آرِه اِی اَداش، خَنَم که خُداوندِ دِلهِ تی جی ایتا نَفع مَرِه بَرِسِه. می جان مسیحِ دِلهِ تازِه هَکُن.

کتاب مقدس به زبان مازندرانی - گویش غربی

²⁰ اَرِه، اِی بِرار، خوایمِه گه خِداوندی دِلِه تیجا یَتِه نَفع مِنِه بَرِسِه. می جانِ مسیحی دِلِه تازِه هاکِن.

فیلیمون 1:20 Iomraidhean Croise

اوّلین نامِه قُرنتیانی سِه 16:18

چوون وِشون مِ روحِ و شِمه روحِ هم تازه هاکاردِنه. این طی آدِما ره حِرمت بییِلین.

دوّمین نامه قرنتیانِ وَسین 2:2

چوون اگه شما ره غُصّه دار هاکانِم، دییه کی تونده مِ ره خِشال هاکانه، اِلّا شِمایی که شِما ره غُصّه دار هاکاردِمه؟

دوّمین نامه قرنتیانِ وَسین 7:13

اینِ وِسه هَسه که اِما تَسِلّی دارمی. علاوه بر اَمه تَسِلّی، اِما تیتوسِ بَدیئِنِ جِم ویشتر خِشال بیمی، چوون که وه روح شِما همهِ خاطِری، تازه بَییه.

فیلیپیان 1:8

چوون خِدا مِ گِواهِ که چی طی، اون احساساتِ هِمراه که مَسیحْ عیسیِ جِم سرچشمه گِرنه، شِما هَمهِ مشتاقِمه.

فیلیپیان 4:1

پَس، مِ بِرارون که شِما ره دوس دارمه و شِمه بَدیئِنِ وِسه مشتاقِمه، ای شِما که مِ خِشالی و مِ سَرِ تاجِنی، ای عزیزون، این طی خِداوندِ دِله قایم ایست هاکانین.

فیلیمون 1:12

مِن شه جیگر گوشه ره تِ پَلی راهی کامبه.

فیلیمون 1:7

اِی بِرار، تِ مِحبّتِ جِم خَله خِشال بَیمه و تسلّی بَیتِمه، چوون مِقدَّسینِ دِل تِ خاطِری اَی هم جان بَییته.

نامِه مَسیحینی عبرانی نِژادی سِه 13:17

شه رَهبرونِ جِم اِطاعت هاکانین و وِشونِ تَسلیم بوئین؛ چوون وِشون شِمه جانهائه جِم محافظت کاندِنه و وِنه حِساب پَس هادِن. بییِلین این کارِ، خِشالیِ هِمراه هاکانِن نا آه و نالهِ هِمراه، چوون این شِمه نفع نییه.

اوّل یوحنا 3:17

ولی اگه یه نَفِر دِنیائه مالِ داره و شه بِرارِ بَوینه که مِحتاجِ، با این وجود شه دِلِ دَرِ وه رو دَوِنده، خِدائه مِحَبَّت چی طی این طی آدِمِ دِله موندِنه؟

سوّم یوحنا 1:4

هیچ‌چی مِ ره اینِ جِم ویشتر خِشال نَکانده که بِشنُئِم مِ وَچون ’حَییقَتِ‘ دِله زندگی کانِدنه.