فیلیمون 1:17 - کتاب مقدس به زبان مازندرانی - گویش شرقی

¹⁷ پَس اگه مِ ره شه رَفِق دوندی، وه ره هَمون‌ طی قبول هاکان که مِ ره قبول هاکاردی.

گیله ماز

¹⁷ پَس اَگِه مَرِه تیِ رَفیق دانی، اونه هَمونجور قَبول هَکُن که مَرِه قبول کانی.

کتاب مقدس به زبان مازندرانی - گویش غربی

¹⁷ پَس اگه مِنِه شی رَفِق دِنّی، وِرِه هَمونجور قَبول هاکِن گه مِنِه قَبول هاکِردی.

فیلیمون 1:17 Iomraidhean Croise

اِنجیلِ مَتّی 10:40

«هر کی شِما ره قَبول هاکانه، مِ ره قَبول هاکارده و هر کی مِ ره قَبول هاکانه مِ بَفرِسیه ره قَبول هاکارده.

اِنجیلِ مَتّی 18:5

هر کی این طی وَچِه ره مِ اسمِ خاطِری قبول هاکانه مِ ره قبول هاکارده.

اِنجیلِ مَتّی 25:40

پادشاه وِشونِ گانه: ”حَییقتاً شِما ره گامبه، اونچی که یِتا مِ کِچیکترین بِرارونِ وِسه هاکاردینی، مِ وِسه هاکاردینی.“

اعمال رَسولان 16:15

وَختی لیدیه شه خانِواده هِمراه غسلِ تَعمید بَییته، خَله اِصرار هاکارده و اِما ره بااوته: «اگه باوِر دارنِنی که خِداوندِ ایمون بیاردِمه، بِئین و مِ سِره دِله بَمونین.» سَرآخِر وه خواسهِ تَسلیم بَیمی.

دوّمین نامه قرنتیانِ وَسین 8:23

تیتوسِ خَوِری وِنه بارِم که شِمه اون خِدمِت هاکاردِنِ دِله مِ شَریک و همکارِ؛ اَمه برارونِ خَوِری هم وِنه بارِم که وِشون کلیساهائه بَفرِسیه و مَسیح جِلال‌ِنه.

اِفِسُسیان 3:6

اون راز اینِ که غیرِیَهودیونم مَسیحْ عیسیِ دِله، اِنجیلِ طریق هم اِرثِنه و هَمون تَنِ اعضانه و خِدائه وعدهِ دِله شریکِنه.

فیلیپیان 1:7

مِن این حَقِّ دارمه که شِما همهِ خَوِری این طی حسی دارِم، چوون که مِ دلِ دِله، جا دارنِنی؛ چوون شِما همه مِ هِمراه خِدائه فیضِ دِله شریکِنی، هم مِ زِندون دَکِتِنِ دِله، هم اِنجیل دِفاع هاکاردِنِ جِم و هم اونِ حَییقَتِ ثابت هاکاردِن.

اول تیموتائوس 6:2

اونایی که وِشونِ اَربابون ایموندارِنه، نَوِسه بِرارِ بییِنِ خاطِری، وِشونِ کمتِر حِرمت بییِلِّن. بلکه وِنه وِشونِ بهتر خِدمِت هاکانِن، چوون اونایی که این خِدمِتِ دِله منفِعت وَرنِنه، ایموندار و عزیزِنه. این چیا ره وِشونِ تَعلیم هاده و وِشونِ تَشویق هاکان که این طی هاکانِن.

فیلیمون 1:10

شه وَچه اونیسیموسِ خَوِری که زِندونِ دِله وه پییِر بَیمه، تِ جِم یِتا خواهش دارمه.

فیلیمون 1:12

مِن شه جیگر گوشه ره تِ پَلی راهی کامبه.

فیلیمون 1:18

اگه تِ ره بَدی هاکارده، یا یه چی تِ ره بدهکارِ، اونِ مِ حِساب بییِل.

نامِه مَسیحینی عبرانی نِژادی سِه 3:1

پَس ای مِقَدَّسِ بِرارون، اِی شِما که آسِمونی دَعوِتِ دِله شریکِنی، شِمه چِش عیسی ره بوئه، که وهِ رَسول و کاهِن اَعظِم، که وه ره ایمون دارمی و وه ره اِعتراف کامبی.

نامِه مَسیحینی عبرانی نِژادی سِه 3:14

چوون اِما مَسیحِ دِله شَریک بَیمی، اگه راس راسی اطمینانی ره که از اَوِّل داشتمی ره تا آخِر قایم داریم.

یعقوبِ نامه 2:5

عزیزِ بِرارون، گوش هادین! مگه خِدا این دِنیائه فقیرونِ انتخاب نَکارده تا ایمونِ دِله دولتمند بوئِن و پادشاهی‌ای ره اِرث بَوِرِن که وه شه دوسدارونِ وَعده هِدا؟

اول پِطرُس 5:1

مِن که شه، یِتا از مشایخِمه و مَسیحِ رَنج هائه شاهد بیمه و اون جِلالی دِله که ظاهر بونه شریکِمه، مشایخی که شِمه میون دَرِنه ره سفارش کامبه:

اوّل یوحنا 1:3

اون کِلام که اِما بَدیمی و بِشنُسیمی ره شِما ره اِعلام کامبی تا شِما هم اَمه هِمراه رِفاقت دارین؛ حییقَتاً هم که اَمه رفاقت پییِرِ هِمرا و وه ریکا عیسی مَسیحِ هِمرائه.