فیلیمون 1:11 - کتاب مقدس به زبان مازندرانی - گویش شرقی

¹¹ وه قدیما تِ وِسه ‌فایده ای نِداشته، ولی اِسا هم تِ وِسه و هم مِ وِسه فایده دارنه.

گیله ماز

¹¹ اون قدیمان تِرِه فایده ایی نِداشتَه، وَلی اَسِه، هم تِرِه و هم مَرِه فایدِه داره.

کتاب مقدس به زبان مازندرانی - گویش غربی

¹¹ وی قدیما تِنِه فایده ای ناشتِه، ولی اِسا، هَم تیسِه و هَم میسِه فایدِه دارنِه.

فیلیمون 1:11 Iomraidhean Croise

اِنجیلِ مَتّی 25:30

این بی فایده نوکِرِ ظِلِمادِ دِله دِم هادین، اونجه که بِرمه هاکاردِن دَره و تَرسِ جِم دَندون دَندونِ کَش خارنه.

لوقا 15:24

چوون مِ این ریکا بَمِرده بییه، اَی دِواره زِنده بَییه؛ گوم بَییه بییه، پی دا بَییه!“ پَس جشن بَییتِنه و شادی هاکاردِنه.

لوقا 15:32

ولی اَلان وِنه جَشن بَیریم و شادی هاکانیم، چوون تِ این بِرار بَمِرده بییه، اَی زنده بَییه؛ گوم بَییه بییه، پی دا بَییه»

لوقا 17:10

پَس، شِما هم وَختی اونچی شِما ره دَستور دِنِنه، اِنجام هادین و بارین: ”اِما یِتا نوکِر ویشتَر نیمی و فِقَط شه وظیفه ره اِنجام هِدامی»

رومی ایشون 3:12

همه خِدائه جِم رو بَردِگاردِنینه، وِشون همگی بی خِد بَینه. هیچ کی خواری نَکانده، حَتّی یه نَفِر.»

دوم تیموتائوس 4:11

فِقَط لوقا مِ هِمراه دَره. مَرقُسِ بَیر و شه هِمراه بیار، چوون وه مِ خِدمِتِ وِسه خَله به کار اِنه.

فیلیمون 1:10

شه وَچه اونیسیموسِ خَوِری که زِندونِ دِله وه پییِر بَیمه، تِ جِم یِتا خواهش دارمه.

فیلیمون 1:12

مِن شه جیگر گوشه ره تِ پَلی راهی کامبه.

اول پِطرُس 2:10

قبلتر قومی نَبینی، ولی اَلان خِدائه قومِنی؛ یه مووقه خِدائه رحمِتِ جِم محروم بینی، ولی اَلان خِدائه رَحمِتِ بَییتینی.