مَرقُس 9:50 - کتاب مقدس به زبان مازندرانی - گویش شرقی

⁵⁰ نِمِک خوارِ، ولی اگه نِمِک شه شوری ره از دَس هاده، چه طی بونه اَی اونِ شور هاکارد؟ شِما هم شه دِله نِمِک دارین و هَمدییه هِمراه صِلح و صِفائه دِله زندگی هاکانین.

گیله ماز

⁵⁰ نَمَک خوبِ، وَلی اَگه نَمَک خودشه شوری رِه اَز دَس هَدِه، چِطور بونِه باز اونِه شور هَکُردَن؟ شُما هَم شیمی دِلِه نَمَک بِدارین و هَمدیگَرِ هَمرَه صُلح و صفایِ دِلِه زندگی هَکُنید.

کتاب مقدس به زبان مازندرانی - گویش غربی

⁵⁰ نِمَک خِبِ، ولی اگه نِمَک شی شوری رِه از دَس هادِه، چِتی بِشِنِه اَی اونِه شور هاکِردِن؟ شِما هَم شی دِلِه نِمَک دارین و هَمدیری هَمرا صِلح و صفایی دِلِه زندگی هاکِنین.

مَرقُس 9:50 Iomraidhean Croise

اِنجیلِ مَتّی 5:13

«شِما دِنیائه نِمِکِنی ولی اگه نِمِک شه مِزِه ره از دَس هاده، چی طی بونه اونِ اَت کَش دییه شور هاکانیم؟ دییه فایدِه ای نِدارنه، به جِز اون که بیرون دَشِندی بَووه و مَردِم اونِ لینگِ لو بَیرِن.

مَرقُس 9:34

ولی وِشون هیچی نااوتِنه، چوون راهِ دِله هَمدییهِ هِمراه اینِ بَحثِ کاردِنه که کی همهِ جِم گَت تِرِ.

مَرقُس 9:49

چوون همه، تَشِ هِمراه نِمِک هاشی بونِنه.

رومی ایشون 12:18

اگه بونه، تا اونجه که شِما ره ربط دارنه، همهِ هِمراه صِلح و صِفائه دِله زندگی هاکانین.

دوّمین نامه قرنتیانِ وَسین 13:11

سرآخِر، ای بِرارون، خِشال بوئین. شِمه فکر این بوئه که اَی دِواره جان بَیرین و هَمدییه ره تَسِلّی هادین، هَمدییه هِمراه هم نَظِر بوئین؛ صِلح و سِلامتیِ دِله زندگی هاکانین؛ که خِدائه مِحَبَّت و صِلح و سِلامتی شِمه هِمراه موندِنه.

غَلاطیان 5:22

ولی خِدائه روحِ ثَمره، مِحَبَّت، خِشالی، صِلح و سِلامتی، صَبر، مِهرَوونی، خواری، وِفاداری،

اِفِسُسیان 4:29

شِمه دِهون بَدِ گَبِ وِسه واز نَووه، بلکه تِمومِ شِمه گَب ها بقیهِ بَنائه وِسه کار هاکانه و اِحتیاجی ره برآورده هاکانه، و اوناییِ که اِشنُنِنه ره فِیض بَرِسونه.

فیلیپیان 1:27

فِقَط بییِلین شِمه زندگی رَوش، مَسیحِ انجیلِ لایق بوئه، اون طی که چه بِیِّم و شِما ره بَوینِم و چه نَیِّم، شِمه جِم بِشنُئِم، که یِتا روحِ دِله پابرجانی و یِتا فِکرِ هِمراه، اِنجیلِ ایمونِ وِسه، دوش به دوش هم تَقِلّا کاندینی،

کولُسیان 3:12

پَس خِدائه انتخاب بَییه قومِ واری که مِقدّس و عزیزِنه، دِلسوزی، مهروونی، فروتنی، ملایمت و صبرِ لِواسِ دَپوشین.

کولُسیان 4:6

شِمه گَب ها هَمِش فیضِ جِم پِر و سنجیده بوئه، تا بَدونین هر کیِ چی طی جِواب هادین.

اوّل تِسالونیکیان 5:13

و مِحبَّتِ دِله اون کاری خاطِری که کاندِنه، وِشونِ خَله اِحترام بییِلین. و هَمدییه هِمراه صِلح و سِلامتیِ دِله زندگی هاکانین.

دوم تیموتائوس 2:22

پَس جوونیِ هِوا و هوسِ جِم فِرار هاکان، و وِشونِ هِمراه که پاکِ دِلِ هِمراه خِداوندِ صدا کاندِنه، صالحی و ایمون و مِحَبَّت و صِلح و سِلامتیِ دِمبال دَواش.

نامِه مَسیحینی عبرانی نِژادی سِه 12:14

تَقِلّا هاکانین تِمومِ مَردِمِ هِمراه صِلح و سِلامتیِ دِله دَووین و مِقَدَّس بوئین، چوون بدونِ قدّوسیت هیچ‌کی خِداوندِ نَوینده.

یعقوبِ نامه 1:20

چوون آدِمیِ خَشم، اون صالحی ای که خِدا خوانه ره بار نیارنه.

اول پِطرُس 3:8

سرآخر، شِما همه، همفکر و یَک دِل و بِرار دوس و دلسوز و فروتن بوئین.