مَرقُس 9:5 - کتاب مقدس به زبان مازندرانی - گویش شرقی

⁵ پِطرُس عیسی ره بااوته: «اِسّا، چَنده خوارِ اِما اینجه دَرِمبی. بییِل سه تا سایبون بَسازیم، یِتا تِ وِسه، یِتا موسی و یِتا هم اِیلیائه وِسه.»

گیله ماز

⁵ پِطرُس عیسی رِه باَگوته: «اُسّا، چقدر خوبِ اَما ایجه دَریم. بَنی سِه تا سایبان بِسازیم، ایتا تِرِه، ایتا موسی رِه و ایتا هَم اِیلیایِ وَسین.»

کتاب مقدس به زبان مازندرانی - گویش غربی

⁵ پِطرُس عیسی رِه بُتِه: «اِسّا، چَنی خِبِ اَما هیجِه دَرمی. بِل سِه تا سایِوون بَساجیم، یَتِه تِنِه، یَتِه موسی و یَتِه هَم اِیلیایی سِه.»

مَرقُس 9:5 Iomraidhean Croise

اِنجیلِ مَتّی 17:4

پِطرُس عیسی ره بااوته: «ای آقا، چَندِه خوارِ اِما اینجه دَرِمبی. اَگه بَخوای مِن سه تا سایِبون سازِمبه: یِتا تِ وِسه، یِتا موسی و یِتا هم اِیلیائه وِسه.»

اِنجیلِ مَتّی 23:7

و مَردِم، کوچِه و بازارِ دِله وِشونِ سِلام هادِن و وِشونِ 'اِسّا' صدا هاکانِن.

اِنجیلِ مَتّی 23:8

ولی نییِلین شِما ره 'اِسّا' بارِن، چوون که شِما فِقَط یِتا اِسّا دارنِنی و شِما هَمدییِهِ هِمراه بِرارِنی.

مَرقُس 9:4

اونجه، اِیلیا و موسیِ پِیغمبِر وِشونِ چِشِ پَلی ظاهر بَینه و عیسیِ هِمراه دَینه گَب زونه.

مَرقُس 9:6

پِطرُس نَدونِسه چی باره، چوون وِشون خَله بَتِرسی بینه.

لوقا 9:33

وَختی اون دِ نَفِر عیسیِ وَرِ جِم شینه، پِطرُس عیسی ره بااوته: «اِسّا، چَنده خوارِ اِما اینجه دَرِمبی! بییِل سه تا سایبون بَسازیم، یِتا تِ وِسه، یِتا موسی وسه و یِتا دییه هم اِیلیائه وِسه.» وه نَدونِسه دَره چی گانه.

اِنجیلِ یوحنا 4:31

این میون، شاگِردون وه جِم خواهش هاکاردِنه، بااوتِنه: «اِسّا، یه چی بَخُر.»

فیلیپیان 1:23

این دِتائه میون بَدجور دَره جنگِمبه: چوون که آرزو دارمه این دِنیائه جِم بورِم و مَسیحِ هِمراه دَووِم، چوون این خَله بِهترِ؛

اوّل یوحنا 3:2

ای عزیزون، اِما اَلان خِدائه وَچونیمی، ولی هَمتی اونچی که قرارِ بَوویم دیار نَییه. ولی دومبی اون مووقه که وه ظهور هاکانه وه واری بومبی، چوون وه ره اون طی که هَسه ویمبی.