مَرقُس 8:26 - کتاب مقدس به زبان مازندرانی - گویش شرقی

²⁶ عیسی اون مَردی ره سِره راهی هاکارده و بااوته: «حَتَّی اون روستائه دِله هم نَشو.»

گیله ماز

²⁶ عیسی اون مَردَای رِه سِرِه راهی هَکُردِه و باَگوته: «حتّی اون دِهاتِ دِلِه هم نَشو.»

کتاب مقدس به زبان مازندرانی - گویش غربی

²⁶ عیسی هون مَردی رِه خِنِه ای سِه راهی هاکِردِه و بُتِه: «حتّی هون آبادی ای دِلِه هَم نَشو.»

مَرقُس 8:26 Iomraidhean Croise

اِنجیلِ مَتّی 12:16

وِشونِ دَستور هِدا كه وه خَوِری هیچ کسِ هِمراه گَب نَزِنِن

اِنجیلِ مَتّی 8:4

بعد عیسی وه ره بااوته: «هیچ کَسِ پَلی هیچی نار، بلکه بور و شه ره مَعبِدِ كاهِنِ سِراغ هاده و شه شِفائه خاطِری قِروونی ای كه موسی حِکم هاکارده بییه ره هاده تا وِشونِ ثابت بَووه که تِ شِفا بَییتی»

اِنجیلِ مَتّی 9:30

و وِشونِ چِشا واز بَییه. عیسی وِشونِ هِشدار هِدا و بااوته: مِواظِب بوئین، هیچ کی این جَریانِ جِم خَوِردار نَووه.

مَرقُس 5:43

عیسی وِشونِ قَدِغن هاکارده که نییِلِن هیچ کی این اِتّفاقِ جِم خَوِردار بَووه، و وِشونِ بااوته که اون کیجا ره یه چی هادِن بَخُره.

مَرقُس 7:36

عیسی وِشونِ قَدِغَن هاکارده که این جَریانِ هیچ کَسِ پَلی نارِن. ولی هر چی ویشتر وِشونِ قَدِغَن کارده، ویشتر این جَریانِ جِم گَب زونه.

مَرقُس 8:23

عیسی اون کورِ مَردیِ دَسِ بَییته و وه ره روستائه جِم بیرون بَوِرده. بعد وه چِشِ سَر خِلیک دِم هِدا و شه دَسا ره اون مَردیِ سَر بییِشته و وه جِم بَپِرسیه: «هیچی ویندی؟»

مَرقُس 8:25

پَس عیسی اَت کَش دییه شه دَسا ره وه چِشِ سَر بییِشته. و اون مَردیِ چشِ واز هاکارده و وه چِش سو دَکِته و همه چی ره خوار ویندِسه.