مَرقُس 7:9 - کتاب مقدس به زبان مازندرانی - گویش شرقی

⁹ و وِشونِ بااوته: «شِما زِرنگیِ هِمراه خِدائه حِکمِ رَد کاندینی تا شه رَسم و رسومِ دارین!

گیله ماز

⁹ وَ اوشانه باَگوته: «شُما زِرَنگی یه هَمرَه خُدایِ حُکمِ رَد کانید تا شیمی رسم و رسومِ بِدارین!

کتاب مقدس به زبان مازندرانی - گویش غربی

⁹ و وِشونِه بُتِه: «شِما زِرَنگی ای هَمرا خِدایی حِکمِ رَد کِنِنی تا شی رسم و رسومِ دارین!

مَرقُس 7:9 Iomraidhean Croise

مَرقُس 7:13

این طی شِما شه رَسم و رسومِ هِمراه، که اونا ره بَقیه ره هم گانِنی، خِدائه کِلامِ نَدید گِرنِنی و خَله این طی کارا کاندینی.»

مَرقُس 7:3

فریسیون و تِمومِ یَهودیون، طِبق مشایخِ رَسم و رسوم، تا شه دسِ خوار نَشورِن، غِذا نَخارنِنه.

مَرقُس 7:5

فریسیون و توراتِ مَلِّمون عیسی جِم بَپِرسینه: «چه تِ شاگِردون طبقِ مشایخِ رَسم و رسوم رِفتار نَکاندِنه و نَجِسِ دَسائه هِمراه غِذا خارنِنه؟»

رومی ایشون 3:31

پَس مگه اِما این ایمونِ هِمراه، شَریعتِ از بین وَرمی؟ البته که نا! بلکه برعکس اِما شَریعتِ برقرار کامبی.

دوّمین نامه قرنتیانِ وَسین 11:4

چوون اگه یه نَفِر شِمه پَلی بِیّه و شِما ره یِتا عیسی به جِز اون که اِما شِما ره اِعلام هاکاردیمی ره اِعلام هاکانه، یا اگه شِما یِتا روح، به جز روح القدس که بَییتینی ره بَیرین، یا اگه انجیلِ پِیغوم به جِز اون اِنجیلِ پِیغوم که قبول هاکاردینی ره قبول هاکانین، شِما راحت اونِ تِحَمُّل کاندینی.

غَلاطیان 1:14

و یهودیگریِ دِله، خَله شه سَر و هَمسَرونِ جِم پیش دَکِتِمه، شه قومِ دِله و اَمه اَجدادِ رَسم و رسوم هائه خاطِری خَله غیرت داشتِمه.

غَلاطیان 2:21

مِن خِدائه فِیضِ باطل نَکامبه، چوون اگه صالحی، شَریعتِ راه جِم به‌دَس اییَمو، پَس مَسیح بیخودی بَمِرده.

دوّم تِسالونیکیان 2:4

وه هر چیِ هِمراه که خِدا بااوته بونه یا پرسِش بونه، مخالفت کانده و شه ره وِشونِ جِم سَرتر دونده، جوری که خِدائه مَعبِدِ دِله نیشِنه و اِعلام کانده که شه خِدائه.