مَرقُس 7:4 - کتاب مقدس به زبان مازندرانی - گویش شرقی

⁴ وَختی بازارِ جِم اِنِنه، تا دَشور بَشور نَکِنِن هیچی نَخارنِنه. همین طی هم خَله رَسم و رسومائه دییه ره هم انجام دِنِنه، مثلِ پیاله، لَوه، مِرسی کاس کَچه و میزِ بَشُسِنه.

گیله ماز

⁴ وَختی بازارِ جی هَنِن، تا بوشوردوشور نَکُنن هیچی نُخارنِن. هَمینجور هم خیلی رسم و رسومای دیگه هَم انجام دَنِن. مثلِ پیالِه و تییَن و مِرسی کاسه بُشقاب و میزِ بَشوردَن.

کتاب مقدس به زبان مازندرانی - گویش غربی

⁴ وختی بازاری جا اِنِنِه، تا دَشور بَشور نَکِنِن هیچی نَخارِنِه. هَمینجور هَم خِیلی رَسم و رُسومای دییَرِ هَم اَنجام دِنِنِه. هِتی پیالِه و لَوی و مِرسی کاس کَچِه و میزی بَشوردَنِه.

مَرقُس 7:4 Iomraidhean Croise

اِنجیلِ مَتّی 23:25

«وای به حال شِما اِی توراتِ مَلِّمون و عُلِمائه فَریسیِ دِرو! شِما پِشقاب و پیالهِ بیرونِ تَمیز کاندینی، ولی اونِ دِله، طِمَع و ناپَرهیزیِ جِم پِرِ.

اِنجیلِ مَتّی 23:26

اِی کورِ فریسی، اَوِّل پِشقاب و پیالِهِ دِله ره تَمیز هاکان که وه بیرون هم تَمیز بونه.

اِنجیلِ مَتّی 27:24

وَختی پیلاتُس بَدیئه که دییه فاییده ای نِدارنه و ممکنه شورِش بَووه، اوه بَخواسه و مَردِمِ چِشِ پلی شه دَسِ اوه بَکِشیه و بااوته: «این مَردیِ خون دییه مِ گَردِن دَنیه؛ شه دوندِنی!»

مَرقُس 7:8

شِما خِدائه حِکمِ وِل کاندینی و آدِمِ رَسمِ و رسومِ کَش بَچِسبِسنی.»

اِنجیلِ یوحنا 2:6

اونجه شیش تا سَنگیِ خمره کَت بییه که یَهودیونِ مذهبِ رسمِ دِله و غسل هِدائِن و پاکیِ وِسه استفاده بونِسه، و هر کِدومِ دِله صد و بیست لیترِ اِندا، جا بونِسه.

اِنجیلِ یوحنا 3:25

اَت کَش یحییِ شاگِردون و یِتا یَهودیِ میون بَحث دَکِته چی طی بونه نجسیِ جِم پاک بَووِن.

نامِه مَسیحینی عبرانی نِژادی سِه 9:10

بلکه اینا فِقَط خِراکی ها و نوشیدنی ها و جورواجورِ غِسل ها و قانونایی نه که تَنِ ربط دارنِنه و فِقَط تا مووقه ای اعتبار دارنِنه که خِدا تازه ترتیب هاده.

یعقوبِ نامه 4:8

خِدا ره نَزیک بَووین و وه هم شِما ره نَزیک بونه. ای شِما گِناهکارون، شه دَسا ره پاک هاکانین، و ای دِ دِل ها شه دِل ها ره پاک هاکانین.

اوّل یوحنا 1:7

ولی اگه نورِ دِله زندگی هاکانیم، هَمون طی که وه نورِ دِله دَره، هَمدییهِ هِمراه رفاقت دارمی و وه ریکا عیسیِ خون، اِما ره تِمومِ گِناهونِ جِم پاک کانده.